ഹോർഡിങ് വീണ് യുവതി മരിച്ച സംഭവം; വീഡിയോ പുറത്ത്

റോ​ഡ​രി​കി​ൽ സ്ഥാപിച്ചിരുന്ന ഹോർഡിങ് വ​ണ്ടി​യു​ടെ പു​റ​ത്തേ​ക്ക് വീ​ണ് യു​വ​തി മ​രി​ച്ച സംഭവത്തിൻ്റെ വീഡിയോ പുറത്ത്. മരിച്ച ശുഭശ്രീയുടെ ദേഹത്തേക്ക് ഫ്‌ളക്‌സ് വീഴുന്നതിന്റെയും വാട്ടര്‍ ടാങ്കര്‍ അവരെ ഇടിച്ച് തെറിപ്പിക്കുന്നതിന്റെയും ദൃശ്യങ്ങളാണ് സമൂഹമാധ്യമങ്ങളിൽ പ്രചരിക്കുന്നത്.

ജോ​ലി ക​ഴി​ഞ്ഞ് സ്കൂ​ട്ട​റി​ൽ വ​ര​വേ ഡി​വൈ​ഡ​റി​ൽ സ്ഥാ​പി​ച്ചി​രു​ന്ന അ​ണ്ണാ​ഡി​എം​കെ നേ​താ​വി​ന്‍റെ മ​ക​ന്‍റെ വി​വാ​ഹ പ​ര​സ്യം പ​തി​ച്ച ബോ​ർ​ഡ് മ​റി​ഞ്ഞു വീ​ണാണ് ശുഭശ്രീ മരണപ്പെട്ടത്. ഫ്ലക്സ് ബോർഡ് സ്കൂട്ടറിനു മുകളിലേക്ക് വീണ​തോ​ടെ നി​യ​ന്ത്ര​ണം ന​ഷ്ട​മാ​യി പി​ന്നാ​ലെ വ​ന്ന ടാ​ങ്ക​ർ ലോ​റി​ക്ക് മു​ന്നി​ൽ‌​പ്പെ​ടു​ക​യാ​യി​രു​ന്നു. ഉ​ട​ൻ ത​ന്നെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

സം​ഭ​വ​ത്തി​ൽ കോ​ട​തി സ്വ​മേ​ധ​യാ കേ​സ് എ​ടു​ത്തിരുന്നു. അ​ണ്ണാ ഡി​എം​കെ നേ​താ​വ് ജ​യ​ഗോ​പാ​ലി​നെ​തി​രെ കേസെടുത്ത പൊലീസ് ടാ​ങ്ക​ർ ലോ​റി ഡ്രൈ​വ​റെ അറസ്റ്റ് ചെയ്തിരുന്നു. പോ​ലീ​സി​നോ​ടും കോ​ർ​പ​റേ​ഷ​ൻ അ​ധി​കൃ​ത​രോ​ടും നേ​രി​ട്ട് ഹാ​ജ​രാ​കാ​നും കോ​ട​തി ഉ​ത്ത​ര​വി​ട്ടു.

ചെ​ന്നൈ​യി​ൽ റോ​ഡ​രി​കി​ൽ അ​ന​ധി​കൃ​ത ബാ​ന​റു​ക​ളും പ​ര​സ്യ​ബോ​ർ​ഡു​ക​ളും റോ​ഡി​ൽ സ്ഥാ​പി​ക്കു​ന്ന​ത് കു​റ്റ​ക​ര​മാ​ണ്.

‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക. Join us on Telegram