‘സുനന്ദ പുഷ്‌ക്കറുടെ മരണകാരണം വ്യക്തമാക്കുന്ന മെഡിക്കൽ റിപ്പോർട്ട് പോലുമില്ല’; ശശി തരൂരിന്റെ അഭിഭാഷകൻ കോടതിയിൽ

സുനന്ദ പുഷ്‌ക്കറുടെ മരണകാരണം എന്തെന്ന് വ്യക്തമാക്കുന്ന ഒരു മെഡിക്കൽ റിപ്പോർട്ട് പോലുമില്ലെന്ന് ശശി തരൂരിന്റെ അഭിഭാഷകൻ കോടതിയിൽ. ഡൽഹി റോസ് അവന്യു കോടതിയിലാണ് വാദമുന്നയിച്ചത്.

മരണകാരണം സംബന്ധിച്ച പൊലീസിന്റെ നിഗമനങ്ങൾ തെറ്റാണെന്നും അഭിഭാഷകൻ ചൂണ്ടിക്കാട്ടി. മരണത്തിന് മുൻപുള്ള സുനന്ദ പുഷ്‌ക്കറുടെ ട്വീറ്റുകൾ പരിശോധിച്ചാൽ ഇക്കാര്യം വ്യക്തമാകും. സുനന്ദ സാധാരണ മനോനിലയിൽ ആയിരുന്നുവെന്നാണ് ട്വീറ്റുകളിൽ നിന്ന് മനസിലാകുന്നതെന്നും അഭിഭാഷകനായ വികാസ് പഹ്‌വ കോടതിയെ അറിയിച്ചു. അതേസമയം, ശശി തരൂരിന് കുറ്റപത്രം കൈമാറുന്ന കാര്യത്തിൽ നവംബർ പതിനഞ്ചിന് വാദം തുടരും.