അബ്ദുൾ കലാമിന്റെ പേരിലുള്ള പുരസ്‌കാരം പിതാവിന്റെ പേരിലാക്കി ജഗൻ മോഹൻ റെഡ്ഡി; പ്രതിഷേധമുയർന്നതോടെ ഉത്തരവ് പിൻവലിച്ചു

മുൻ രാഷ്ട്രപതി എ പി ജെ അബ്ദുൾ കലാമിന്റെ പേരിൽ വിദ്യാർത്ഥികൾക്ക് നൽകുന്ന പുരസ്‌കാരം പിതാവിന്റെ പേരിലാക്കി ആന്ധ്രാപ്രദേശ് മുഖ്യമന്ത്രി ജഗൻ മോഹൻ റെഡ്ഡി പുലിവാല് പിടിച്ചു. ജഗൻ മോഹന്റെ നടപടിക്കെതിരെ വ്യാപക പ്രതിഷേധമാണ് ഉയർന്നത്. ഡോ. എ പി ജെ അബ്ദുൾ കലാം പ്രതിഭ വിദ്യാ പുരസ്‌കാർ, വൈ എസ് ആർ വിദ്യാ പുരസ്‌കാർ എന്ന പേരിലാക്കിയതാണ് വിവാദത്തിലായത്. പുരസ്‌കാരത്തിന്റെ പേര് മാറ്റിയ വിവരം അറിയിച്ച് സംസ്ഥാന വിദ്യാഭ്യാസ വകുപ്പ് ഉത്തരവ് പുറത്തിറക്കിയിരുന്നു. പ്രതിഷേധം ശക്തമായതോടെ വിവാദ ഉത്തരവ് സർക്കാർ പിൻവലിച്ചു.

Andhra Pradesh Chief Minister YS Jaganmohan Reddy has ordered to immediately cancel the concerned GO (Government Order). He further ordered to reinstate the name of ‘Dr APJ Abdul Kalam Pratibha Puraskar Awards’. https://t.co/JVGCx3eA2L

— ANI (@ANI) November 5, 2019

ബോർഡ് പരീക്ഷകളിൽ മികച്ച വിജയം കരസ്ഥമാക്കുന്ന പത്താം ക്ലാസ് വിദ്യാർത്ഥികൾക്കാണ് ഡോ. എ പി ജെ അബ്ദുൾ കലാം പ്രതിഭ വിദ്യാ പുരസ്‌കാർ നൽകിയിരുന്നത്. മൊമന്റോ, സർട്ടിഫിക്കറ്റ്, ഉന്നത വിദ്യാഭ്യാസത്തിനാവശ്യമായ സ്‌കോളർഷിപ്പ് എന്നിവ ഉൾപ്പെടുന്നതാണ് പുരസ്‌കാരം. ദേശീയ വിദ്യാഭ്യാസ ദിനമായ നവംബർ 11- ന് പുരസ്‌കാരം വിതരണം ചെയ്യാനാണ് ഉദ്ദേശിച്ചിരുന്നത്. ഇതിനിടെയാണ് പേര് മാറ്റിയുള്ള ഉത്തരവ് സർക്കാർ പുറത്തിറങ്ങിയത്.

Dr. Kalam has accomplished much for the nation with his inspiring life. @ysjagan’s govt changing “APJ Abdul Kalam Pratibha Puraskar” to “YSR Vidya Puraskar” is a shocking method of self-aggrandizement at the cost of disrespecting a much venerated man. #YSRCPInsultsAbdulKalam pic.twitter.com/7lPaZddNZF

— N Chandrababu Naidu (@ncbn) November 5, 2019

ചന്ദ്രബാബു നായിഡു മുഖ്യമന്ത്രിയായിരുന്ന കാലത്താണ് പുരസ്‌കാരം ഏർപ്പെടുത്തിയത്. ജഗൻ മോഹൻ റെഡ്ഡിയുടെ നടപടിയെ വിമർശിച്ച് ചന്ദ്രബാബു നായിഡു രംഗത്തെത്തി. രാജ്യത്തിന് നിരവധി സംഭാവകൾ നൽകിയ ഡോ. കലാമിന്റെ പേരിലുള്ള പുരസ്‌കാരം ജഗൻ മോഹൻ റെഡ്ഡി പിതാവിന്റെ പേരിലാക്കിയത് കലാമിനോടുള്ള അനാദരവാണെന്ന് ചന്ദ്രബാബു നായിഡു കുറ്റപ്പെടുത്തി. ജഗൻ മോഹൻ റെഡ്ഡിയുടെ തീരുമാനത്തെ ബിജെപിയും കടന്നാക്രമിച്ചു. തന്റെ അച്ഛനാണ് ഭാരതരത്‌ന ലഭിച്ച അബ്ദുൾ കലാമിനെക്കാൾ മികച്ച ശാസ്ത്രജ്ഞനെന്നാണ് ജഗൻ മോഹൻ റെഡ്ഡി വിചാരിക്കുന്നതെന്ന് ബിജെപിയുടെ ദേശീയ ഐടി സെൽ തലവൻ അമിത് മാൽവിയ ട്വിറ്ററിൽ കുറിച്ചു. വ്യാപക വിമർശനം ഉയർന്നതോടെ ഉത്തരവ് പിൻവലിക്കാൻ സർക്കാർ നിർബന്ധിതരാകുകയായിരുന്നു.

It is not surprising that Jagan thinks his late father was a more accomplished scientist and academic than Bharat Ratna Dr A P J Abdul Kalam. After all he comes from a party, which named every award, scheme, stadium, road, airport etc, after members of the Nehru-Gandhi family… https://t.co/4AyjTsl894

— Amit Malviya (@amitmalviya) November 5, 2019