എസ്എഫ്ഐയിലും ഡിവൈഎഫ്ഐയിലുമുള്ളത് കൂടുതലും തീവ്രവാദികളെന്ന് കെ സുരേന്ദ്രൻ

എ​സ്എ​ഫ്ഐ​യി​ലും ഡി​വൈ​എ​ഫ്ഐ​യി​ലും ന​ല്ലൊ​രു വി​ഭാ​ഗം തീ​വ്ര​വാ​ദി​ക​ളാ​ണെ​ന്ന് ബി​ജെ​പി സം​സ്ഥാ​ന ജ​ന​റ​ൽ സെ​ക്ര​ട്ട​റി കെ ​സു​രേ​ന്ദ്ര​ൻ. മാവോയിസ്റ്റ് ബന്ധം ആരോപിച്ച് അറസ്റ്റിലായ യുവാക്കൾക്കെതിരായ കേസ് അട്ടിമറിക്കാൻ സിപിഐഎം ശ്രമിക്കുകയാണെന്നും അദ്ദേഹം ആരോപിച്ചു. മാവോയിസ്റ്റ് ബന്ധത്തിൽ അറസ്റ്റിലായവരെ രക്ഷിക്കാൻ ശ്രമിക്കുന്നത് അതീവ ഗൗരവതരമാണെന്നും കോ​ട​തി​യി​ൽ പ്രോ​സി​ക്യൂ​ഷ​നും പ്ര​തി​ഭാ​ഗ​വും ഒ​ത്തു​ക​ളി​ക്കു​ക​യാണെന്നും സുരേന്ദ്രൻ കൂട്ടിച്ചേർത്തു.

“നി​രോ​ധി​ത സി​പി​ഐ മാ​വോ​യി​സ്റ്റ് ഭീ​ക​ര​വാ​ദ സം​ഘ​ട​ന​യു​ടെ കേ​ഡ​റു​ക​ളാ​ണ് അ​റ​സ്റ്റി​ലാ​യ​വ​ർ. ഇ​വ​ർ​ക്ക് അ​ന്ത​ർ​സം​സ്ഥാ​ന മാ​വോ​വാ​ദി​ക​ളു​മാ​യി ബ​ന്ധ​മു​ണ്ട്. എ​ഫ്ഐ​ആ​ർ വാ​യി​ക്കാ​തെ​യാ​ണ് പ്ര​തി​ക​ളെ ര​ക്ഷി​ക്കാ​ൻ ചെ​ന്നി​ത്ത​ല മു​റ​വി​ളി കൂ​ട്ടു​ന്ന​ത്.”- സു​രേ​ന്ദ്ര​ൻ ആ​രോ​പി​ച്ചു.

തീവ്രവാദികളായതു കൊണ്ടാണ് പാർട്ടി ഇവർക്കു പിന്തുണ നൽകുന്നത്. യു​എ​പി​എ പി​ൻ​വ​ലി​ക്കാ​നാ​ണു തീ​രു​മാ​ന​മെ​ങ്കി​ൽ ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ​ഐ​എ) വെ​റു​തെ ഇ​രി​ക്കി​ല്ല. നേരത്തെ തീ​വ്ര​വാ​ദ കേ​സു​ക​ളി​ൽ പ്ര​തി​ക​ൾ​ക്കൊ​പ്പം നി​ന്ന അ​തേ നി​ല​പാ​ടാ​ണു സി​പി​എ​മ്മും കോ​ണ്‍​ഗ്ര​സും ഈ ​കേ​സി​ൽ സ്വീ​ക​രി​ക്കു​ന്ന​തെ​ന്നും സു​രേ​ന്ദ്ര​ൻ കു​റ്റ​പ്പെ​ടു​ത്തി.

യു​എ​പി​എ കേ​സു​ക​ളി​ൽ നി​ര​പ​രാ​ധി​ത്വം പ്ര​ഖ്യാ​പി​ക്കാ​ൻ മ​ന്ത്രി​മാ​ർ​ക്ക് ആ​രാ​ണ് അ​വ​കാ​ശം ന​ൽ​കി​യ​ത്. നാ​ളെ ഇ​വ​ർ കു​റ്റ​ക്കാ​രാ​ണെ​ന്നു തെ​ളി​ഞ്ഞാ​ൽ ഇ​വ​ർ എ​ന്തു മ​റു​പ​ടി പ​റ​യുമെന്നും സുരേന്ദ്രൻ ചോദിച്ചു.