അയോധ്യ വിധി; സുപ്രിംകോടതി വിധിയുടെ പൂർണരൂപം വായിക്കാം

അയോധ്യ കേസിൽ സുപ്രിംകോടതി വിധിയുടെ പകർപ്പ് പുറത്ത്. വിധി എഴുതിയത് ഏത് ജഡ്ജിയാണെന്ന് വിധിപ്രഖ്യാപനത്തിൽ വ്യക്തമാക്കിയിട്ടില്ല. ആയിരത്തിലധികം പേജുള്ള വിധിപ്രസ്താവമാണ് പുറത്തുവന്നിരിക്കുന്നത്.

വിശ്വാസത്തിന്റെ അടിസ്ഥാനത്തിലല്ല, മറിച്ച് ലഭ്യമായ തെളിവുകളുടെ അടിസ്ഥാനത്തിൽ, പുരാവസ്തുവകുപ്പിന്റെ കണ്ടെത്തലിന്റെ അടിസ്ഥാനത്തിലാണ് വിധി പുറപ്പെടുവിക്കുന്നതെന്ന് ഏകകണ്ഠമായി പുറത്തിറക്കിയ വിധി പ്രസ്താവത്തിൽ ചീഫ് ജസ്റ്റിസ് പറഞ്ഞു.

സുന്നി വഖഫ് ബോർഡ്, നിർമോഹി അഖാര, രാം ലല്ല എന്നീ മൂന്ന് ഹർജിക്കാർക്കും തർക്കഭൂമി വീതിച്ചു നൽകിയ അലഹാബാദ് ഹൈക്കോടതി വിധി സുപ്രിംകോടതി റദ്ദാക്കി. നിലവിൽ 2.77 ഏക്കർ തർക്കഭൂമിയുടെ അവകാശം സർക്കാരിനാണ് അനുവദിച്ചിരിക്കുന്നത്.

Read Also : അയോധ്യാ കേസ്: വിധി പ്രസ്താവിച്ചത് ഈ ന്യായാധിപർ

സുപ്രിംകോടതി പുറപ്പെടുവിച്ച പ്രധാന ഉത്തരവുകൾ :

1. തർക്കഭൂമിയിൽ ഉപാധികളോടെ രാമക്ഷേത്രം നിർമിക്കും

2. മുസ്ലീങ്ങൾക്ക് ആരാധനയ്ക്ക് 5 ഏക്കർ ഭൂമി നൽകും

3. ക്ഷേത്രം നിർമിക്കാൻ ട്രസ്റ്റിന് രൂപം നൽകണം

4. മൂന്ന് മാസത്തിനുള്ളിൽ പദ്ധതി തയാറാക്കും

5. അലഹാബാദ് വിധി തെറ്റെന്ന് സുപ്രിംകോടതി

6. തർക്കഭൂമി ബോർഡ് ഓഫ് ട്രസ്റ്റീസിന്

Read Also : എന്താണ് അയോധ്യാ കേസ് ? രാജ്യം ഉറ്റുനോക്കുന്ന കേസിനെ കുറിച്ച് അറിയേണ്ടതെല്ലാം [24 Explainer]

134 വർഷത്തെ നിയമയുദ്ധത്തിനും വാദപ്രതിവാദങ്ങൾക്കുമാണ് ഇതോടെ തിരശീല വീണത്. അയോധ്യയിലെ രണ്ടേക്കർ എഴുപത്തിയേഴ് സെന്റ് സ്ഥലത്തിനായിരുന്നു അവകാശവാദം.