അധ്യാപകർക്ക് പ്രഥമശുശ്രൂഷയിൽ പരിശീലനം നൽകാൻ തീരുമാനം

അധ്യാപക പരിശീലനങ്ങളുടെ ഭാഗമായി പ്രഥമശുശ്രൂഷയിൽ പരിശീലനം നൽകാൻ തീരുമാനം. വിദ്യാഭ്യാസ മന്ത്രിയുടെ അധ്യക്ഷതയിൽ ചേർന്ന യോഗത്തിലാണ് ഇത് സംബന്ധിച്ച് തീരുമാനമായത്.

ബത്തേരിയിൽ സ്‌കൂൾ വിദ്യാർത്ഥി പാമ്പുകടിയേറ്റു മരണപ്പെട്ട പശ്ചാത്തലത്തിലാണ് വിദ്യാഭ്യാസ മന്ത്രി സി.രവീന്ദ്രനാഥിന്റെ അധ്യക്ഷതയിൽ ഉന്നതതല യോഗം ചേർന്നത്. പൊതുവിദ്യാഭ്യാസ സെക്രട്ടറി, പൊതുവിദ്യാഭ്യാസ ഡയറക്ടർ, ഉന്നത ഉദ്യോഗസ്ഥർ എന്നിവർ യോഗത്തിൽ പങ്കെടുത്തു. ബത്തേരിസംഭവത്തിൽ ഉന്നതതല അന്വേഷണം നടത്തുന്നതിനു പൊതുവിദ്യാഭ്യാസ ഡയറക്ടറെ യോഗം ചുമതലപ്പെടുത്തി. എല്ലാ സ്‌കൂളുകളിലും അടിയന്തര പി.ടി.എ യോഗങ്ങൾ നടത്താൻ യോഗം നിർദ്ദേശിച്ചു. തദ്ദേശഭരണ സ്ഥാപനങ്ങളിലെ ജനപ്രതിനിധികളെ കൂടി പങ്കെടുപ്പിച്ചുകൊണ്ടാണിത്. സ്‌കൂൾ തലത്തിൽ പരിസര ശുചീകരണം ഉൾപ്പെടെയുള്ള അടിയന്തിര പ്രവർത്തനങ്ങൾ ഉടൻ നടത്താനും യോഗം നിർദ്ദേശം നൽകി.

Read Also : സ്‌കൂൾ വിദ്യാർത്ഥിനി പാമ്പ് കടിയേറ്റ് മരിച്ച സംഭവം; പൊതുവിദ്യാഭ്യാസ ഡയറക്ടറുടെ നേതൃത്വത്തിൽ ഉന്നതതല അന്വേഷണത്തിന് ഉത്തരവ്

അധ്യാപക പരിശീലനങ്ങളുടെ ഭാഗമായി പ്രഥമശുശ്രൂഷയിൽ പരിശീലനം നൽകാൻ തീരുമാനിച്ചു. ഇതിനാവശ്യമായ നടപടികൾ സ്വീകരിക്കാനും യോഗം നിർദ്ദേശം നൽകി.

Story highlights : snake bite, sulthan bathery, teacher

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top