മലപ്പുറത്ത് പെട്രോൾ പമ്പിന് സമീപം ട്രാൻസ്‌ഫോർമറിന് തീ പിടിച്ചു; ഒഴിവായത് വൻ ദുരന്തം

മലപ്പുറം നിലമ്പൂർ മേലെ ചന്തക്കുന്നിൽ പെട്രോൾ പമ്പിന് സമീപം ട്രാൻസ്‌ഫോർമറിന് തീ പിടിച്ചു. അഗ്‌നിശമന സേനയുടെ അടിയന്തര ഇടപെടലിൽ വൻ ദുരന്തമാണ് ഒഴിവായത്.

പെട്രോൾ പമ്പിലെ ജീവനക്കാരും നാട്ടുകാരും യാത്രക്കാരും ചേർന്ന് തീ അണക്കാൻ ശ്രമിച്ചെങ്കിലും ഫലം കണ്ടില്ല. തുടർന്ന് അഗ്‌നിശമന സേന യൂണിറ്റെത്തി 20 മിനിറ്റോളം നടത്തിയ ശ്രമത്തിലാണ് തീ പൂർണ്ണമായും അണച്ചത്.

ട്രാൻസ്‌ഫോർമർ കത്തി നശിച്ചു. ഷോർട്ട് സർക്യൂട്ടിനെ തുടർന്ന് ഓയിലിന് തീ പിടിച്ചതാണ് ട്രാൻസ്‌ഫോർമർ കത്താൻ കാരണമായത്.

malappuram  fire accident