മംഗളൂരു വെടിവയ്പ് സിഐഡി അന്വേഷിക്കുമെന്ന് മുഖ്യമന്ത്രി ബി എസ് യെദ്യൂരപ്പ

പൗരത്വ നിയമ ഭേദഗതിക്കെതിരെ മംഗളൂരുവിൽ നടന്ന പ്രക്ഷോഭത്തിൽ രണ്ട് പേർ കൊല്ലപ്പെട്ട സംഭവം കർണാടക സിഐഡി അന്വേഷിക്കുമെന്ന് മുഖ്യമന്ത്രി ബി എസ് യെദ്യൂരപ്പ. സംഘർഷവും തുടർന്നുണ്ടായ വെടിവയ്പുമെല്ലാം സിഐഡി അന്വേഷിക്കുമെന്നും യെദ്യൂരപ്പ മാധ്യമങ്ങളോട് പറഞ്ഞു.

പൊലീസ് സ്‌റ്റേഷനിൽ അതിക്രമിച്ച് കയറി ആയുധങ്ങൾ കവർച്ച ചെയ്യാൻ ശ്രമിച്ചവർക്കെതിരെ കർശന നടപടിയുണ്ടാകും. നിലവിൽ പ്രദേശത്ത് സമാധാന അന്തരീക്ഷം നിലനിൽക്കുന്നുണ്ടെന്നും മുഖ്യമന്ത്രി അറിയിച്ചു.

പൗരത്വ നിയമ ഭേദഗതി മുസ്ലീങ്ങൾക്കെതിരെയാണോ എന്ന് പോലും അറിയാതെയാണ് പലരും പ്രശ്‌നങ്ങൾ സൃഷ്ടിക്കുന്നത്. ആശയക്കുഴപ്പം സൃഷ്ടിക്കാൻ കോൺഗ്രസ് മനഃപൂർവം ശ്രമിക്കുകയാണെന്നും യെദ്യൂരപ്പ പറഞ്ഞു.

story highlights- BS Yediyurappa, mangaluru, police firing