യാത്രാക്കാർക്ക് ഇരുട്ടടി നൽകി ഇന്ത്യൻ റെയിൽവേ; പുതുക്കിയ യാത്രാ നിരക്ക് പ്രബല്യത്തിൽ

പുതുവത്സരത്തിൽ യാത്രാക്കാർക്ക് ഇരുട്ടടി നൽകി റെയിൽവേ യാത്രാ നിരക്ക് വർധിപ്പിച്ചു. അടിസ്ഥാന നിരക്കിൽ ഒരു പൈസ മുതൽ 4 പൈസ വരെയാണ് വർധിപ്പിച്ചത്. വർധനവ് ഇന്നലെ അർധരാത്രി മുതൽ പ്രാബല്യത്തിൽ വന്നു.

ഒരു പൈസ മുതൽ 4 പൈസയുടെ വർധനവാണ് വരുത്തിയിരിക്കുന്നത്. മെയിൽ എക്പ്രസ് തീവണ്ടികളിലെ നോൺ എ സി യാത്രക്കാർ കിലോമീറ്ററിന് രണ്ട്‌പൈസ അധികം നൽകണം. സെക്കൻഡ് ക്ലാസ്, സ്ലീപ്പർ ,ഫസ്റ്റ് ക്ലാസ് എന്നിവയ്ക്കാണ് ഈ നിരക്ക് ബാധകമാകുക. എസി യാത്രക്കാർക്ക് നിലവിലെ നിരക്കിൽ നിന്ന് കിലോമീറ്ററിന് 4 പൈസയുടെ വർധനവാണ് വരുത്തിയിരിക്കുന്നത്. ചെയർകാർ, എസി ടു ടയർ, ത്രി ടയർ എന്നീ കോച്ചുകളിൽ ഈ വർധിപ്പിച്ച നിരക്ക് ഈടാക്കും. രാജധാനി, ശതാബ്ദി ട്രെയിനുകൾക്ക് പുതിയ നിരക്ക് ബാധകമാണ്. ഓർഡിനറി നോൺ എ സി തീവണ്ടികളിലെ നിരക്കും കൂട്ടി. ഇവയിലെ സെക്കൻഡ് ക്ലാസ്, ഫസ്റ്റ് ക്ലാസ്, സ്ലീപ്പർ കോച്ചുകളിൽ ഒരു പൈസ വീതം വർധിപ്പിച്ചു. അതേ സമയം സബ് അർബൻ തീവണ്ടികളിലെ യാത്ര നിരക്ക് വർധിപ്പിച്ചില്ല.

Story highlight: Indian Railway, Improved travel rates