Advertisement

റീട്ടെയിൽ കമ്പനിയായ വാൾമാർട്ട് ജീവനക്കാരെ പിരിച്ചുവിടുന്നു

January 13, 2020
Google News 1 minute Read

ലോകത്തിലെ ഏറ്റവും വലിയ റീട്ടെയിൽ കമ്പനിയായ വാൾമാർട്ടിന്റെ ഇന്ത്യൻ വിഭാഗം ജീവനക്കാരെ പിരിച്ചുവിടാനൊരുങ്ങുന്നു. ഇന്ത്യയിൽ മൊത്തവ്യാപാര വിഭാഗം നഷ്ടം
നേരിടുന്നതിനെ തുടർന്ന് ചെലവ് ചുരുക്കൽ ലക്ഷ്യമിട്ടാണ് പിരിച്ചുവിടൽ നടപടി.
മാത്രമല്ല, പുതിയ സ്റ്റോറുകൾ തുടങ്ങുന്നതിനുള്ള പദ്ധതികൾ അധികൃതർ ഉപേക്ഷിക്കുന്നതായും റിപ്പോർട്ടുകൾ സൂചിപ്പിക്കുന്നു.

ഇന്ത്യയിലെത്തി പത്ത് വർഷം പിന്നിടുന്ന കമ്പനി സോഴ്‌സിംഗ്, അഗ്രി- ബിസിനസ്, എഫ്എംസിജി തുടങ്ങിയ വിഭാഗങ്ങളിൽ ഉൾപ്പെടെയുള്ള വൈസ് പ്രസിഡന്റ്മാർ ഉൾപ്പെടെയുള്ളവരെയാണ് ഒഴിവാക്കുന്നത്. നിലവിൽ രാജ്യത്ത് വിവിധ നഗരങ്ങളിലായി 28 സ്റ്റോറുകളാണ് വാൾമാർട്ടിനുള്ളത്.

2018 ൽ വാൾമാർട്ട് ഫ്ളിപ്കാർട്ടിനെ 1.07 ലക്ഷം കോടി രൂപയ്ക്ക് ഏറ്റെടുത്ത വാൾമാർട്ട്, ഇന്ത്യയിൽ ഓൺലൈൻ ബിസിനസ് രംഗത്ത് ഒരു യുഎസ് കമ്പനി നടത്തുന്ന ഏറ്റവും വലിയ നിക്ഷേപം കൂടിയായിരുന്നു ഇത്.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here