മധുരയിൽ ജല്ലിക്കെട്ടിനിടെ 32 പേർക്ക് പരുക്ക്; നാല് പേരുടെ നില ഗുരുതരം

തമിഴ്‌നാട്ടിലെ മധുരയിൽ ജല്ലിക്കെട്ടിനിടെ 32 പേർക്ക് പരുക്ക്. നാല് പേരുടെ നില ഗുരുതരമാണ്. ഇവരെ മധുര സർക്കാർ ആശുപത്രിയിൽ പ്രവേശിപ്പിച്ചു.

മധുരയിലെ ആവണിയാപുരത്ത് മാട്ടുപ്പൊങ്കൽ മഹോത്സവത്തോടനുബന്ധിച്ചാണ് ജല്ലിക്കെട്ട് മത്സരം നടന്നത്. ഇക്കുറി 700 കാളകളും മത്സരാർത്ഥികളുമാണ് ജല്ലിക്കെട്ടിൽ പങ്കെടുക്കുന്നത്.

അതേസമയം, തമിഴ്നാട്ടിൽ ജല്ലിക്കെട്ട് നടത്തുന്നത് തടയണമെന്ന് ആവശ്യപ്പെട്ട് സമർപ്പിച്ച ഹർജി സുപ്രിംകോടതി ഇന്ന് തള്ളി. തമിഴ്‌നാട്ടിലെ കർഷകനായ എ കെ കണ്ണനാണ് ഹർജി നൽകിയത്.