ഇന്നത്തെ പ്രധാനവാർത്തകൾ (31/01/2019)

കൊറോണ ബാധ സ്ഥിരീകരിച്ച വിദ്യാർത്ഥിനിയെ തൃശൂർ മെഡിക്കൽ കോളജിലേക്ക് മാറ്റി

കൊറോണ ബാധ സ്ഥിരീകരിച്ച വിദ്യാർത്ഥിനിയെ ജനറൽ ആശുപത്രിയിൽ നിന്ന് തൃശൂർ മെഡിക്കൽ കോളജിലേക്ക് മാറ്റി. മെഡിക്കൽ കോളജിലെ ഐസൊലേഷൻ വാർഡിലേക്കാണ് മാറ്റിയത്. സുരക്ഷയുടെ ഭാഗമായാണ് നീക്കം.

കൊറോണ; ആഗോള അടിയന്തരാവസ്ഥ പ്രഖ്യാപിച്ചു; ചൈനയിൽ മരണനിരക്ക് ഉയർന്നു

ചൈനയിലെ കൊറോണ വൈറസ് ബാധയുടെ പശ്ചാത്തലത്തിൽ ആഗോള അടിയന്തരാവസ്ഥ പ്രഖ്യാപിച്ച് ലോകാരോഗ്യ സംഘടന. ചൈനയ്ക്ക് പുറത്തേയ്ക്കും വൈറസ് ബാധ വ്യാപിക്കുന്ന പശ്ചാത്തലത്തിലാണ് നടപടി.

ചൈനയിൽ കുടുങ്ങിക്കിടക്കുന്ന ഇന്ത്യക്കാർ നാട്ടിലേക്ക്; 14 ദിവസം നിരീക്ഷണത്തിൽ വയ്ക്കും

ചൈനയിൽ കുടുങ്ങിക്കിടക്കുന്ന ഇന്ത്യക്കാരെ ഇന്ന് നാട്ടിലെത്തിക്കും. രണ്ടു വിമാനങ്ങളിലായി നാട്ടിലെത്തിക്കുന്നവരെ 14 ദിവസത്തെ നിരീക്ഷണത്തിൽ വയ്ക്കുമെന്ന് ആരോഗ്യ മന്ത്രാലയം അറിയിച്ചു.

‘ഒരാൾക്ക് ഒരു പദവി യൂത്ത് കോൺഗ്രസിലും നടപ്പാക്കൂ’; കെപിസിസി ആസ്ഥാനത്ത് പോസ്റ്ററുകൾ

യൂത്ത് കോൺഗ്രസ് തെരഞ്ഞെടുപ്പുമായി ബന്ധപ്പെട്ട് കെപിസിസി ആസ്ഥാനത്ത് പോസ്റ്ററുകൾ. ഒരാൾക്ക് ഒരു പദവി യൂത്ത് കോൺഗ്രസിനും വേണമെന്നാണ് ആവശ്യം.

നടക്കാവ് വെടിക്കെട്ടപകടം; അഡീഷണൽ ജില്ലാ മജിസ്‌ട്രേറ്റിനോട് റിപ്പോർട്ട് തേടി ഹൈക്കോടതി

തൃപ്പൂണിത്തുറ നടക്കാവ് ദേവീ ക്ഷേത്രത്തിലുണ്ടായ വെടിക്കെട്ടുമായി ബന്ധപ്പെട്ട കേസ് ഹൈക്കോടതി ഇന്ന് പരിഗണിക്കും. അഡീഷണൽ ജില്ലാ മജിസ്‌ട്രേറ്റിനോട് ഹൈക്കോടതി റിപ്പോർട്ട് തേടി.