ശിൽപാ ഷെട്ടി വീണ്ടും അമ്മയായി; മകളുടെ പേര് ‘സമിഷ’
പ്രമുഖ ബോളിവുഡ് നടി ശിൽപാ ഷെട്ടി അമ്മയായി. രണ്ടാം തവണയാണ് നടി അമ്മയാകുന്നത്. സമൂഹ മാധ്യമത്തിലൂടെ കുടുംബത്തിന് വേണ്ടി ഇക്കാര്യം താരം ലോകവുമായി പങ്കുവച്ചു. ശിവരാത്രി ദിനമായ ഇന്നാണ് ശിൽപ ഈ സന്തോഷ വാർത്ത പങ്കുവയ്ക്കാൻ തെരഞ്ഞെടുത്തത്. വാടക ഗർഭപാത്രത്തിലൂടെയാണ് സമിഷയുടെ ജനനം. 2012ൽ ആയിരുന്നു മൂത്ത മകനായ വിയാൻ ജനിച്ചത്.
ഇംഗ്ലീഷിലുള്ള കുറിപ്പിന്റെ പരിഭാഷ വായിക്കാം,
ഞങ്ങളുടെ പ്രാർത്ഥനയ്ക്ക് ഒരു അത്ഭുതത്തോടെ ഉത്തരം ലഭിച്ചു. ഹൃദയം നിറഞ്ഞ നന്ദിയോടെ ഞങ്ങളുടെ മാലാഖയുടെ കടന്നുവരവ് പ്രഖ്യാപിക്കട്ടേ…
സമിഷ ഷെട്ടി കുന്ദ്ര
ജനനം: ഫെബ്രുവരി 15, 2020
വീട്ടിലെ ജൂനിയർ എസ്എസ്കെ
‘സ’ എന്നാൽ സംസ്കൃതത്തിൽ ‘കൂടെ’ എന്നാണ്. ‘മിഷ’ എന്നത് റഷ്യൻ വാക്ക്, അർത്ഥം- ദൈവത്തെ പോലെ ഉള്ളവൾ
നീ ഈ പേരിനെ അർത്ഥവത്താക്കുന്നു- ഞങ്ങളുടെ ലക്ഷ്മി, കുടുംബത്തെ സമ്പൂർണതയിലെത്തിക്കുന്നവൾ
നിങ്ങളുടെ സ്നേഹവും പ്രാർത്ഥനയും ഞങ്ങളുടെ മാലാഖയ്ക്ക് നൽകുക…
സന്തോഷത്തോടെ രക്ഷിതാക്കൾ- രാജ് കുന്ദ്രയും ശിൽപ ഷെട്ടി കുന്ദ്രയും
വളരെ ആഹ്ലാദത്തിലുള്ള സഹോദരൻ- വിയാൻ രാജ് കുന്ദ്ര
shilpa shetty
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here