കൊറോണ : കുവൈത്തിൽ രണ്ടാഴ്ച സ്‌കൂളുകൾക്ക് അവധി

കൊറോണ വൈറസ് ഭീതിയുടെ പശ്ചാത്തലത്തിൽ കുവൈത്തിൽ രണ്ടാഴ്ച സ്‌കൂളുകൾക്ക് അവധി.

സർക്കാരിന്റെ വാർത്താ വിനിമയ വകുപ്പ് മേധാവി താരിഖ് അൽ മുസ്രാമാണ് മാർച്ച് ഒന്നുമുതൽ സ്‌കൂളുകൾക്ക് അവധിയായിരിക്കുമെന്ന് പ്രഖ്യാപിച്ചത്. രാജ്യത്ത് കൊറോണ ബാധിച്ചവരുടെ എണ്ണം 25 കടന്ന പശ്ചാത്തലത്തിലാണ് നടപടി.

ഇറാനിലേക്ക് യാത്ര ചെയ്ത ഏഴ് കുവൈറ്റി പൗരന്മാർക്ക് കൊറോണ ബാധിച്ചിരുന്നതായി മന്ത്രാലയം സ്ഥിരീകരിച്ചു. കൊറോണ ബാധിച്ചവരുടെ നില തൃപ്തികരമാണെന്നും മന്ത്രാലയം അറിയിച്ചു. ബഹ്‌റൈൻ ഉൾപ്പെടെയുള്ള മറ്റ് ഗൾഫ് രാജ്യങ്ങളിലും കൊറോണ പടർന്നുപിടിക്കുന്നുണ്ട്.

ചൈനയ്ക്കും ദക്ഷിണ കൊറിയക്കും പിന്നാലെ ഇറാനിലും കൊറോണ ആശങ്ക പടർത്തുകയാണ്. ഇന്നലെ രണ്ട് പേർ കൂടി മരിച്ചതോടെ കൊറോണ ബാധിച്ച് രാജ്യത്ത് മരിച്ചവരുടെ എണ്ണം 16 ആയി. ജനങ്ങളോട് വീടുകളിൽ നിന്ന് പുറത്തിറങ്ങരുതെന്ന് സർക്കാർ നിർദ്ദേശം നൽകി. 95 പേർക്ക് രാജ്യത്താകെ രോഗം സ്ഥിരീകരിച്ചിട്ടുണ്ട്. ഇറ്റലിയിലും കൊറോണ പടരുകയാണ്. ഇന്നലെ രോഗം സ്ഥിരീകരിച്ചത് 38 പേർക്കാണ്. ഇറ്റലിയിൽ ഇതുവരെ 280 പേർക്കും ദക്ഷിണ കൊറയയിൽ 970 പേർക്കും ഇതുവരെ രോഗം സ്ഥിരീകരിച്ചിട്ടുണ്ട്.

Story Highlights- Corona Virus

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top