‘അരുവാ’; വീണ്ടും സൂര്യയും ഹരിയും ഒന്നിക്കുന്നു
സിങ്കം സീരീസിന് ശേഷം സംവിധായകൻ ഹരിയും സൂര്യയും വീണ്ടും ഒന്നിക്കുന്നതായി റിപ്പോർട്ടുകൾ. താരത്തിന്റെ 39ാമത്തെ ചിത്രമാണിത്. ‘അരുവാ’ എന്നാണ് ചിത്രത്തിന്റെ പേര്. ഈ വർഷം ദീപാവലിക്കാണ് ചിത്രമെത്തുക. സിനിമയുടെ ചിത്രീകരണം അടുത്ത മാസം ആരംഭിക്കും. ഈ കൂട്ടുകെട്ടിൽ ഒരുങ്ങുന്ന ആറാമത്തെ ചിത്രമാണിത്.
Read Also: കത്തനാരായി ജയസൂര്യ; ആശംസ അറിയിച്ച് പൃഥ്വിരാജ്; ടീസർ കാണാം
ഹരി-സൂര്യ കൂട്ടുകെട്ടിൽ ഇതിന് മുമ്പ് പിറന്നത് വേൽ, ആറ്, സിങ്കം, സിങ്കം 2, സിങ്കം 3 എന്നീ ചിത്രങ്ങളാണ്. ചിത്രത്തിനായി സംഗീതം ഒരുക്കുന്നത് തമിഴ്- തെലുങ്ക് സിനിമാ രംഗത്തെ പ്രമുഖ സംഗീത സംവിധായകനായ ഡി ഇമ്മൻ. ആദ്യമായാണ് സൂര്യക്കും ഹരിക്കുമൊപ്പം ഇമ്മനും ഒന്നിക്കുന്നത്. ഏപ്രിലിലായിരിക്കും സ്റ്റുഡിയോ ഗ്രീൻ നിർമിക്കുന്ന ചിത്രത്തിന്റെ ഷൂട്ടിംഗ് ആരംഭിക്കുക. ഹരിയുടെ 16ാം ചിത്രമാണിത്.
Suriya39 is now officially titled #ARUVAA , directed by #Hari & music by @immancomposer ! Shoot commences this April for a grand DIWALI 2020 Release 🔥#அருவா @Suriya_offl @kegvraja @teamaimpr#AruvaaDiwali2020 🎉 pic.twitter.com/w5UyQ9EOtw
— Studio Green (@StudioGreen2) March 1, 2020
സൂര്യയുടെ 39ാമത്തെ ചിത്രമായി ശിവയുടെ സിരുതൈ എത്തുമെന്നായിരുന്നു വിവരം. എന്നാൽ രജനീകാന്തിനെ നായകനാക്കി ശിവ സംവിധാനം ചെയ്യുന്ന ‘അണ്ണാതെ’യുടെ ചിത്രീകരണം നീണ്ടതോടെ ഈ പ്രൊജക്ടും നീണ്ടു. സൂര്യയുടെതായി ഇനി ഇറങ്ങാൻ പോകുന്ന ചിത്രം ‘സൂരരൈ പോട്ര്’ ആണ്. മലയാളി താരം അപർണാ ബാലമുരളിയാണ് ചിത്രത്തിലെ നായിക. എയർ ഡെക്കാൻ സ്ഥാപകനായ ക്യാപ്റ്റൻ ജിആർ ഗോപിനാഥന്റെ ജീവിത കഥയാണ് ചിത്രം.
suriya