Advertisement

കലാലയ രാഷ്ട്രീയത്തിനെതിരായ കോടതി വിധിക്കെതിര ബിൽ കൊണ്ടുവരും; മന്ത്രി കെ.ടി ജലീൽ

March 3, 2020
Google News 1 minute Read

കലാലയ രാഷ്ട്രീയത്തിനെതിരായ കോടതിവിധി മറികടക്കാൻ നിയമസഭയിൽ ബിൽ കൊണ്ടുവരുമെന്ന് മന്ത്രി കെടി ജലീൽ. ഇക്കാര്യം കോടതിയെ അറിയിക്കും. കോടതിവിധിക്കെതിരായ എം സ്വരാജിന്റെ ശ്രദ്ധക്ഷണിക്കലിന് നിയമസഭയിൽ മറുപടി പറയുകയായിരുന്നു മന്ത്രി.

വിദ്യാർഥികളുടെ അവകാശം സംരക്ഷിക്കാൻ ആവശ്യമായ നടപടിയെടുക്കുമെന്ന് മന്ത്രി കെടി ജലീൽ വ്യക്തമാക്കി. നിയമോപദേശം തേടി വേണ്ട നടപടികൾ സ്വീകരിക്കും. വിദ്യാർത്ഥി യൂണിയൻ പ്രവർത്തനം നിയമവിധേയമാക്കാൻ കോടതി വിധി തടസമല്ലെന്നും അദ്ദേഹം പറഞ്ഞു.

വർഗീയ അരാജക സംഘടനകളുടെ ക്യാമ്പസുകളിലേക്കുള്ള കടന്നുകയറ്റത്തിനാകും കലാലയ രാഷ്ട്രീയത്തിനെതിരായ കോടതിവിധി വഴിവെക്കുകയെന്ന് എം സ്വരാജ് ആരോപിച്ചു. ഇത് തടയാനുള്ളതും ബില്ലിൽ വ്യവസ്ഥ ചെയ്യണം. നിയമനിർമാണത്തിൽ അക്കാര്യവും പരിഗണിക്കുമെന്ന് മന്ത്രി മറുപടി നൽകി. നിയമം വേഗത്തിൽ കൊണ്ടുവരണമെന്ന് വിടി ബൽറാമും ആവശ്യപ്പെട്ടു.

Story highlight: KT Jaleel, college politics

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here