കരിപ്പൂർ രാജ്യാന്തര വിമാനത്താവളത്തിൽ 80 ലക്ഷം രൂപ വില വരുന്ന സ്വർണം മിശ്രിതം പിടികൂടി

കരിപ്പൂർ രാജ്യാന്തര വിമാനത്താവളത്തിൽ വീണ്ടും സ്വർണ വേട്ട. 80 ലക്ഷം രൂപ വില വരുന്ന രണ്ട് കിലോഗ്രാം സ്വർണം മിശ്രിതമാണ് കസ്റ്റംസ് പ്രിവന്റീവ് വിഭാഗം പിടികൂടിയത്. ഷാർജയിൽ നിന്നും എയർ ഇന്ത്യാ വിമാനത്തിൽ കരിപ്പൂരിൽ എത്തിയ മലപ്പുറം തിരൂർ സ്വദേശി പള്ളത്ത് അൻസാറിൽ നിന്നും 1100 ഗ്രാം സ്വർണവും കോഴിക്കോട് പേരാമ്പ്ര സ്വാദേശി മുഹമ്മദ് ഷഫീഖിൽ നിന്നും 900 ഗ്രാം സ്വർണവുമാണ് പിടികൂടിയത്.

ശരീരത്തിന്റെ രഹസ്യ ഭാഗങ്ങളിൽ കപ്‌സ്യൂൾ രൂപത്തിൽ ഒളിപ്പിച്ച നിലയിലായിരുന്നു സ്വർണം. കസ്റ്റംസ് അധികൃതർക്ക് ലഭിച്ച രഹസ്യ വിവരത്തെ തുടർന്ന് ആയിരുന്നു പരിശോധന. സമീപ കാലത്തായി കരിപ്പൂർ വഴിയുള്ള അനധികൃത സ്വർണ കടത്ത് രൂക്ഷമാവുകയാണ്.

Story highlight: Gold worth Rs 80 lakh,  seized at Karipur International Airport

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top