ലോക്ക്ഡൗൺ; ജോലിയില്ലാതായ ഇതര സംസ്ഥാന തൊഴിലാളികളുടെ കാര്യത്തിൽ ആശങ്ക പ്രകടിപ്പിച്ച് സുപ്രിംകോടതി

ലോക്ക്ഡൗണിൽ ജോലിയില്ലാതായ ഇതര സംസ്ഥാന തൊഴിലാളികളുടെ ദുരിതത്തിൽ ആശങ്ക പ്രകടിപ്പിച്ച് സുപ്രിംകോടതി. തൊഴിലാളികൾക്ക് വേതനം നൽകണമെന്ന ഹർജിയിൽ കേന്ദ്രസർക്കാരിന് നോട്ടീസ് അയക്കാൻ ജസ്റ്റിസ് എൽ. നാഗേശ്വര റാവു അധ്യക്ഷനായ ബെഞ്ച് ഉത്തരവിട്ടു. ഏപ്രിൽ ഏഴിന് കേന്ദ്രം മറുപടി അറിയിക്കണം. പൊതുപ്രവർത്തകരായ ഹർഷ് മന്ദറും അഞ്ജലി ഭരദ്വാജുമാണ് കോടതിയെ സമീപിച്ചത്.

എന്നാൽ, ഹർജിയെ സോളിസിറ്റർ ജനറൽ തുഷാർ മേത്ത എതിർത്തു. എസി മുറിയിൽ സുഖമായിരിക്കുന്ന ആക്ടിവിസ്റ്റുകൾ പൊതുതാൽപര്യഹർജികൾ നൽകുന്നതെന്നും ഇതര സംസ്ഥാന തൊഴിലാളികളുടെ ആവശ്യങ്ങൾ കേന്ദ്രം പരിഗണിക്കുന്നുണ്ടെന്നും സോളിസിറ്റർ ജനറൽ പറഞ്ഞു.