‘മുസ്ലിമാണെന്ന് തെറ്റിദ്ധരിച്ചു’; അഭിഭാഷകനെ മർദ്ദിച്ച മധ്യപ്രദേശ് പൊലീസിന്റെ വിശദീകരണം വിവാദത്തിൽ

അഭിഭാഷകനെ മർദ്ദിച്ച മധ്യപ്രദേശ് പൊലീസിൻ്റെ വിശദീകരണം വിവാദത്തിൽ. മുസ്ലിമാണെന്ന് തെറ്റിദ്ധരിച്ച് മർദ്ദിച്ചതാണെന്നായിരുന്നു വിശദീകരണം. സംഭവത്തിൽ ഒരു പൊലീസ് ഉദ്യോഗസ്ഥനെ സസ്പൻഡ് ചെയ്തിട്ടുണ്ട്. അഭിഭാഷകൻ ദീപക്​ ബുന്ദേലെയെയാണ്​ മാർച്ച്​ 23ന്​ മധ്യപ്രദേശിലെ ബെത്തൂൽ എന്ന സ്​ഥലത്തു വച്ച്​ പൊലീസ്​ മർദിച്ചത്​.

Read Also: രാജ്യത്ത് കൊവിഡ് കേസുകൾ കുതിക്കുന്നു; 24 മണിക്കൂറിനിടെ റിപ്പോർട്ട് ചെയ്തത് 132 മരണം

കടുത്ത പ്രമേഹവും രക്തസമ്മർദ്ദവും അലട്ടിയ ദീപക് ആശുപത്രിയിലേക്കുള്ള യാത്രക്കിടെയാണ് മർദ്ദിക്കപ്പെട്ടത്. മരുന്ന് വാങ്ങാനായി പോവുകയാണെന്ന് പറഞ്ഞിട്ടും അത് ചെവിക്കൊള്ളാതെ മർദ്ദിക്കുകയായിരുന്നു എന്ന് ദീപക് പറയുന്നു. മർദ്ദിച്ച പൊലീസുകാരനോട് രണഘടനക്കകത്തുനിന്ന്​ പ്രവർത്തിക്കണമെന്ന്​ പറഞ്ഞെങ്കിലും അതും അയാൾ പരിഗണിച്ചില്ല. ഇത് കേട്ടതോടെ കൂടുതൽ പൊലീസുകാർ തന്നെ മർദ്ദിച്ചു എന്നും ദീപക് പറയുന്നു. പിന്നീട് താനൊരു അഭിഭാഷകനാണെന്ന് പറഞ്ഞപ്പോഴാണ് അവർ ദീപകിനെ മർദ്ദിക്കുന്നത് നിർത്തിയത്. അപ്പോഴേക്കും അദ്ദേഹത്തിൻ്റെ ചെവിയിൽ നിന്നടക്കം രക്​തമൊഴുകാൻ തുടങ്ങിയിരുന്നു. സുഹൃത്തിനെ വിളിച്ചുവരുത്തിയാണ്​ ആശുപത്രിയിലെത്തിയത്​.

തുടർന്ന് മാർച്ച്​ 24ന്​ ജില്ലാ പൊലീസ്​ സൂ​പ്രണ്ട്​ ഡിഎസ്​ ഭദോരിയക്കും ഡിജിപിക്കും​ പരാതി നൽകുകയായിരുന്നു. ഇതോടൊപ്പം മുഖ്യമന്ത്രിക്കും മനുഷ്യാവകാശ കമ്മീഷനും ഹൈകോടതി ചീഫ്​ ജസ്​റ്റിസിനും സംഭവം വിശദീകരിച്ച് കത്തെഴുതുകയും ചെയ്തു. ആക്രമണത്തിൻ്റെറ സിസിടിവി ദൃശ്യങ്ങൾ ലഭ്യമാക്കണമെന്നാവശ്യപ്പെട്ട്​ വിവരാവകാശ അപേക്ഷ സമർപിച്ചെങ്കിലും അത്​ നൽകാൻ കമ്മീഷൻ തയ്യാറായില്ല എന്നും ദീപക് പറയുന്നു.

Read Also: അച്ഛന് അപകടത്തിൽ പരുക്ക്; വീട്ടിലെത്തിക്കാൻ 15കാരി സൈക്കിൾ ചവിട്ടിയത് 1200 കിലോമീറ്റർ

പരാതിയെ തുടർന്ന് പൊലീസുകാർ മൊഴിയെടുക്കാനായി വീട്ടിലെത്തി. കേസ് പിൻവലിക്കണമെന്നായിരുന്നു ആവശ്യ. ഈ ആവശ്യം മുന്നോട്ടുവച്ച് മണിക്കൂറുകളോളം അവർ സംസാരിച്ചെങ്കിലും ദീപക് വഴങ്ങിയില്ല. തുടർന്നാണ് മുസ്ലിമാണെന്ന് തെറ്റിദ്ധരിച്ച് മർദ്ദിച്ചതാണെന്ന് പൊലീസ് വിശദീകരിച്ചത്. താൻ​ താടിവച്ചതു കൊണ്ടാണ്​ മുസ്​ലിം ആയി​ തെറ്റിദ്ധരിക്കാൻ കാരണമായതെന്ന് അവർ പറഞ്ഞു എന്നും ദീപക് പറയുന്നു.

Story Highlights: Lawyer Thrashed by Cops He Was Mistaken for Muslim