കർണാടക മന്ത്രിയുടെ കുടുംബത്തിലെ മൂന്ന് പേർക്ക് കൊവിഡ്

കർണാടക ആരോഗ്യ, വിദ്യാഭ്യാസ മന്ത്രി കെ സുധാകറിന്റെ പിതാവിനും ഭാര്യക്കും മകൾക്കും കൊവിഡ്. മന്ത്രിയുടെ പിതാവിന് ഇന്നലെയാണ് കൊവിഡ് സ്ഥിരീകരിച്ചത്. ഇതിന് പിന്നാലെ കുടുംബാംഗങ്ങൾക്ക് നടത്തിയ പരിശോധനയിലാണ് ഭാര്യക്കും മകൾക്കും കൊവിഡ് പോസിറ്റീവായത്. മന്ത്രിയുടെ രണ്ട് ആൺമക്കളുടെ കൊവിഡ് പരിശോധനാഫലം നെഗറ്റീവാണ്.

മന്ത്രിയുടെ പിതാവിന് 82 വയസുണ്ട്. പരിചാരകനിൽ നിന്നാകാം ഇദ്ദേഹത്തിന് കൊവിഡ് പടർന്നതെന്നാണ് കരുതുന്നത്. കുടുംബാംഗങ്ങൾക്ക് കൊവിഡ് പോസിറ്റീവായതോടെ മന്ത്രിയേയും പരിശോധനയ്ക്ക് വിധേയനാക്കും.

read also: ഉത്രയെ കൊല്ലാൻ ഉപയോഗിച്ച പാമ്പിനെ അഭ്യസിപ്പിച്ച് പ്രതി സുരേഷ്; ദൃശ്യങ്ങൾ പുറത്ത്

അതേസമയം, കർണാടക മുഖ്യമന്ത്രി ബി എസ് യെദ്യൂരപ്പയുടെ ഓഫീസ് താത്കാലികമായി അടച്ചു. ഓഫീസിലെ ഉദ്യോഗസ്ഥയുടെ ഭർത്താവായ പൊലീസ് ഉദ്യോഗസ്ഥന് കൊവിഡ് സ്ഥിരീകരിച്ചതിന് പിന്നാലെയാണ് നടപടി. ഓഫീസ് ഇന്ന് അണുവിമുക്തമാക്കും

story highlights- covid 19, coronavirus, karnataka, Dr. K sudhakar