പെൺമക്കളെ കൊണ്ട് പാടം ഉഴുത കർഷകന് ട്രാക്ടർ എത്തിച്ച് നൽകി നടൻ സോനു സൂദ്; കൈയടി

പെൺമക്കളെ കൊണ്ട് പാടം ഉഴുത കർഷകന് സഹായവുമായി നടൻ സോനു സൂദ്. സമൂഹ മാധ്യമങ്ങളിൽ വീഡിയോ വൈറലായതോടെയാണ് സോനു സൂദ് സഹായവുമായി എത്തിയത്. കർഷകന് സോനു സൂദ് ട്രാക്ടർ എത്തിച്ച് നൽകിയ താരം തന്നെയാണ് ഇക്കാര്യം ട്വിറ്ററിലൂടെ പങ്കുവച്ചത്.

This family doesn’t deserve a pair of ox ?..
They deserve a Tractor.
So sending you one.
By evening a tractor will be ploughing your fields ?
Stay blessed ❣️?? @Karan_Gilhotra #sonalikatractors https://t.co/oWAbJIB1jD

— sonu sood (@SonuSood) July 26, 2020

കാളകളെ വാങ്ങാൻ പണമില്ലാത്തതിനാൽ പെൺമക്കളുടെ സഹായത്തോടെ പാടം ഉഴുത കർഷകന്റെ വീഡിയോ സമൂഹമാധ്യമങ്ങളിൽ വൈറലായിരുന്നു. ഈ വീഡിയോ റീട്വീറ്റ് ചെയ്താണ് സോനുവിന്റെ പ്രതികരണം. ഈ കുടുംബത്തിന് ഒരു ജോടി കാളകളെയല്ല ആവശ്യമെന്നും ട്രാക്ടർ ആണ് ആവശ്യമെന്നും സോനു കുറിച്ചു. ഇതിന് പിന്നാലെ കർഷകന് ട്രാക്ടർ എത്തിച്ച് നൽകുകയും ചെയ്തു.

Spoke with @SonuSood ji & applauded him for his inspiring effort to send a tractor to Nageswara Rao’s family in Chittoor District. Moved by the plight of the family, I have decided to take care of the education of the two daughters and help them pursue their dreams pic.twitter.com/g2z7Ot9dl3

— N Chandrababu Naidu #StayHomeSaveLives (@ncbn) July 26, 2020

വി. നാഗേശ്വര റാവു എന്നയാൾക്കാണ് സോനു സഹായം നൽകിയത്. ആന്ധ്രാപ്രദേശിലെ ചിറ്റൂരിൽ ചായക്കട നടത്തുകയായിരുന്നു റാവു. ഇതിൽ നിന്ന് കിട്ടുന്ന വരുമാനത്തിലൂടെ കുടുംബം പോറ്റിയിരുന്നെങ്കിലും ലോക്ക് ഡൗൺ പ്രഖ്യാപിച്ചതോടെ കാര്യങ്ങൾ താറുമാറായി. അദ്ദേഹത്തിന് നാട്ടിലേക്ക് മടങ്ങേണ്ടി വന്നു. നാട്ടിലെത്തിയ നാഗേശ്വര റാവു നിലക്കടല കൃഷി ചെയ്യാൻ തീരുമാനിച്ചു. എന്നാൽ നിലം ഉഴുതാൻ കാളകളെ വാങ്ങാനോ ജോലിക്കാരെ നിർത്താനോ അദ്ദേഹത്തിന് കഴിഞ്ഞിരുന്നില്ല. ഇതോടെയാണ് രണ്ട് പെൺമക്കളും ചേർന്ന് നിലം ഉഴുതാൻ തീരുമാനിച്ചത്.

Read Also :മുംബൈയിൽ കുടുങ്ങിയ നടൻ സുരേന്ദ്ര രാജനു സഹായവുമായി സോനു സൂദ്

Story Highlights – Sonu sood