Advertisement

ഷ​ഹീൻബാ​ഗിൽ വെടിവയ്പ് നടത്തിയ കപിൽ ​​ഗുർജർ ബിജെപിയിൽ ചേർന്നു; തൊട്ടുപിന്നാലെ അം​ഗത്വം റദ്ദാക്കി

December 30, 2020
Google News 2 minutes Read

പൗരത്വ നിയമ ഭേദ​ഗതിക്കെതിരായ പ്രതിഷേധത്തിനിടെ ഷ​ഗീൻബാ​ഗിൽ വെടിവയ്പ് നടത്തിയ കപിൽ ​ഗുർജർ ബിജെപിയിൽ ചേർന്നു. ​ഗാസിയാബാദിൽ നടന്ന ചടങ്ങിലാണ് കപിൽ ​ഗുർജറിന് ബിജെപി അം​ഗത്വം നൽകിയത്. വെടിവയ്പ് കേസിൽ പ്രതിയാണെന്ന് അറിഞ്ഞതോടെ അം​ഗത്വം നൽകി മണിക്കൂറുകൾക്കുള്ളിൽ ​​ഗുർജറിനെ പാർട്ടിയിൽ നിന്ന് പുറത്താക്കുകയായിരുന്നു.

ഷഹീന്‍ബാഗ്‌ വെടിവയ്പ്പുമായി കപിൽ ​ഗുർജറിന് ബന്ധമുള്ളതായി അറിയില്ലായിരുന്നുവെന്ന് ഗാസിയാബാദ് ബിജെപി അധ്യക്ഷന്‍ സഞ്ജീവ് ശര്‍മ പറഞ്ഞു. ബിജെപി ഹിന്ദുത്വത്തിനുവേണ്ടി പ്രവര്‍ത്തിക്കുന്നതിനാലാണ് പാര്‍ട്ടിയില്‍ ചേരാന്‍ തീരുമാനിച്ചതെന്ന് ഗുര്‍ജര്‍ പറഞ്ഞിരുന്നു.

ഇക്കഴിഞ്ഞ ഫെബ്രുവരിയിലാണ് കപിൽ ​ഗുർജർ ഷഹീൻബാ​ഗിൽ വെടിവയ്പ് നടത്തിയത്. സമരപന്തലിന് സമീപമെത്തിയ ​ഗുർ‌ജർ ആകാശത്തേയ്ക്ക് രണ്ട് തവണ വെടിയുതിർത്തു. പ്രദേശത്തുണ്ടായിരുന്ന പൊലീസ് ഇയാളെ അറസ്റ്റു ചെയ്തു. താനും പിതാവ് ഗജേ സിങ്ങും 2019 മുതല്‍ ആം ആദ്മി പാര്‍ട്ടി പ്രവര്‍ത്തകരാണെന്ന് പൊലീസിന്റെ ചോദ്യംചെയ്യലിനിടെ കപില്‍ ഗുര്‍ജര്‍ പറഞ്ഞിരുന്നു.

Story Highlights – BJP cancels Shaheen Bagh shooter Kapil Gurjar’s membership

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here