ഒഡീഷ മുഖ്യമന്ത്രി നവീൻ പട്​നായിക്കിന്​ വധഭീഷണി

ഒഡീഷ മുഖ്യമന്ത്രി നവീൻ പട്​നായിക്കിന്​ വധഭീഷണി. മുഖ്യമന്ത്രിയുടെ ഔദ്യോ​ഗിക വസതിയിലേക്ക് ഭീഷണിക്കത്ത് അയയ്ക്കുകയായിരുന്നു. എ. കെ 47 തോക്കുകളും സെമി ഓട്ടോമാറ്റിക് തോക്കും ഉപയോ​ഗിച്ച് മുഖ്യമന്ത്രിയെ വധിക്കാൻ തയ്യാറായി നിൽക്കുന്നവരുണ്ടെന്നായിരുന്നു സന്ദേശം. വധഭീഷണിക്ക് പിന്നാലെ നവീൻ പട്നായിക്കിന്റെ സുരക്ഷ വർധിപ്പിച്ചു.

കഴിഞ്ഞ ദിവസമാണ് മുഖ്യമന്ത്രിയുടെ ഔദ്യോ​ഗിക വസതിയിൽ ഭീഷണിക്കത്ത് എത്തിയത്. പ്രൊഫഷനൽ കുറ്റവാളികളായ കൊലയാളികൾ ഏതു നിമിഷവും മുഖ്യമന്ത്രിയെ ആക്രമിക്കാൻ തയ്യാറായി നിൽക്കുകയാണെന്ന് കത്തിൽ പറയുന്നു. കൊലയാളികൾ പട്നായിക്കിനെ നിരന്തരം പിന്തുടരുന്നുണ്ട്. സൂത്രധാരൻ താമസിക്കുന്നത്​ നാഗ്​പൂരിലാണ്​. കൊല്ലാൻ ഉപയോഗിക്കുന്ന ആയുധങ്ങൾ വാങ്ങിയത്​ ഒഡീഷയിൽ നിന്നാണെന്നും കത്തിൽ ചൂണ്ടിക്കാട്ടുന്നു.