കുതിരാൻ ടണൽ തുറക്കണമെന്ന് ആവശ്യപ്പെട്ട് ഹൈക്കോടതിയിൽ ഹർജി

കുതിരാൻ ടണൽ തുറക്കണമെന്ന് ആവശ്യപ്പെട്ട് ഹൈക്കോടതിയിൽ ഹർജി. ഒരു ടണലെങ്കിലും അടിയന്തരമായി തുറക്കണമെന്നാവശ്യപ്പെട്ട് ചീഫ് വിപ്പ് കെ രാജൻ ആണ് ഹൈക്കോടതിയെ സമീപിച്ചത്.

ദേശീയ പാതയുടെ നിർമ്മാണത്തിലെ അപാകതകളെ കുറിച്ച് കോടതി മേൽനോട്ടത്തിൽ അന്വേഷണം നടത്തണമെന്നും പണി പൂർത്തീകരിക്കാൻ കോടതി മേൽനോട്ടത്തിൽ റിസീവറെ നിയമിക്കണമെന്നും കെ. രാജൻ ആവശ്യപ്പെടുന്നു. കരാർ കമ്പനിയുടെ സാമ്പത്തിക സ്ഥിതിയെ കുറിച്ച് റിപ്പോർട്ട് തേടണമെന്നും കരാർ കമ്പനിയും ദേശീയ പാത അതോറിറ്റിയും ചേർന്നുള്ള അവിശുദ്ധ കൂട്ടുകെട്ടാണ് പ്രതിസന്ധിക്ക് കാരണമെന്നും ഹർജിയിൽ പറയുന്നു. ഹർജിയിൽ ജസ്റ്റിസ് പി.വി ആശ ദേശീയ പാത അതോറിറ്റിയുടെ വിശദീകരണം തേടി.