ഇന്നത്തെ പ്രധാന വാര്‍ത്തകള്‍ (13-03-2021)
1 minute Read
‘നേമത്തേയ്ക്ക് വിട്ടുതരില്ല’; ഉമ്മൻചാണ്ടി പുതുപ്പള്ളി വിടരുതെന്നാവശ്യപ്പെട്ട് അണികളുടെ പ്രകടനം
ഉമ്മൻചാണ്ടി പുതുപ്പള്ളി വിടരുതെന്നാവശ്യപ്പെട്ട് അണികളുടെ പ്രകടനം. ഉമ്മൻചാണ്ടിയുടെ പുതുപ്പള്ളിയിലെ വീടിന് മുന്നിൽ പ്രകടനവുമായെത്തിയാണ് അണികൾ പ്രകടനം നടത്തിയത്. നേമത്തേയ്ക്ക് ഉമ്മൻചാണ്ടിയെ വിട്ടുതരില്ലെന്ന മുദ്രാവാക്യം വിളികളുമായാണ് പ്രവർത്തകർ എത്തിയത്. അതിനിടെ ഡൽഹിയിലായിരുന്ന ഉമ്മൻചാണ്ടി പുതുപ്പള്ളിയിലെത്തി. ഉമ്മൻചാണ്ടിക്കായി വൻ സ്വീകരണമാണ് പ്രവർത്തകർ ഒരുക്കിയത്.
നേമത്തേക്കില്ലെന്ന് രമേശ് ചെന്നിത്തല; കാത്തിരിക്കാമെന്ന് ഉമ്മന്‍ ചാണ്ടി
നേമത്തെ കോണ്‍ഗ്രസ് സ്ഥാനാര്‍ത്ഥിത്വം സംബന്ധിച്ച് വ്യക്തമായ മറുപടി നല്‍കാതെ മുന്‍മുഖ്യമന്ത്രി ഉമ്മന്‍ ചാണ്ടിയും പ്രതിപക്ഷ നേതാവ് രമേശ് ചെന്നിത്തലയും. നേമത്തെ സ്ഥാനാര്‍ത്ഥിയെ കാത്തിരുന്ന് കാണാമെന്ന് ഉമ്മന്‍ ചാണ്ടി പറഞ്ഞു. കോണ്‍ഗ്രസിന്റെ സ്ഥാനാര്‍ത്ഥി നിര്‍ണയത്തില്‍ തര്‍ക്കങ്ങളില്ലെന്നും അദ്ദേഹം വ്യക്തമാക്കി.
ഉമ്മന്‍ ചാണ്ടി ഇല്ലെങ്കില്‍ നേമത്ത് ശശി തരൂര്‍ മത്സരിക്കുന്നത് ഉചിതം: രാഹുല്‍ ഗാന്ധി
നേമം മണ്ഡലത്തില്‍ നിലപാട് വ്യക്തമാക്കി കോണ്‍ഗ്രസ് നേതാവ് രാഹുല്‍ ഗാന്ധി. ഉമ്മന്‍ ചാണ്ടി ഇല്ലെങ്കില്‍ ശശി തരൂര്‍ മണ്ഡലത്തില്‍ മത്സരിക്കുന്നത് ഉചിതമെന്ന് രാഹുല്‍ പറഞ്ഞു. ശശി തരൂരിന്റെ സ്ഥാനാര്‍ത്ഥിത്വം ദേശീയ തലത്തില്‍ ഗുണം ചെയ്യുമെന്നും രാഹുല്‍.
ബാങ്കുകള്‍ ഇന്ന് മുതല്‍ നാല് ദിവസം അടഞ്ഞ് കിടക്കും
രാജ്യത്ത് ബാങ്കുകള്‍ ഇന്ന് മുതല്‍ നാല് ദിവസം അടഞ്ഞ് കിടക്കും. ഇന്നത്തെയും നാളെത്തെയും അവധിക്ക് പിന്നാലെ 15, 16 തിയതികളില്‍ നടക്കുന്ന പണിമുടക്കാണ് തുടര്‍ച്ചയായ നാല് ദിവസം ബാങ്കുകള്‍ അടഞ്ഞ് കിടക്കാന്‍ കാരണമാകുക.
new srouStory Highlights -todays headlines, news round up
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English