കേരളത്തിൽ ലൗ ജിഹാദില്ല : ശശി തരൂർ ട്വന്റിഫോറിനോട്

കേരളത്തിൽ ലൗ ജിഹാദില്ലെന്ന് ശശി തരൂർ ട്വന്റിഫോറിനോട്. എത്ര ലൗ ജിഹാദ് കേസ് കേരളത്തിൽ ബിജെപിക്ക് കണ്ടെത്താനായെന്ന് ശശി തരൂർ ചോദിച്ചു. ഇത്തരം വർഗീയ വിഷപ്രചാരണത്തെ തള്ളിക്കളയണമെന്നും ശശി തരൂർ പ്രതികരിച്ചു.

തെരഞ്ഞെടുപ്പിൽ ശബരിമല മുഖ്യവിഷയമല്ലെന്നും ആചാര സംരക്ഷണം നെഹ്രു ധാരയുമായി ചേർന്നു പോവുന്നതാണെന്നും ശശി തരൂർ പറഞ്ഞു.

കഴിഞ്ഞ കുറച്ച് ദിവസങ്ങളിലായി കേരളത്തിൽ ലൗ ജിഹാദിനെ കുറിച്ചുള്ള വിവാദങ്ങൾ കൊഴുക്കുകയാണ്. അധികാരത്തിലെത്തിയാൽ ലൗ ജിഹാദിനെതിരെ നിയമനിർമാണം നടത്തുമെന്ന് ബിജെപി പ്രകടന പത്രികയിൽ ഉൾപ്പെടുത്തിയിരുന്നു. കത്തോലിക്കാ സഭയും ലൗ ജിഹാദ് പരാമർശവുമായി രംഗത്തെത്തിയിരുന്നു. ലൗ ജിഹാദ് വിഷയത്തിൽ സർക്കാർ നിലപാട് വ്യക്തമാക്കണമെന്ന് കത്തോലിക്കാ സഭ പറഞ്ഞത്. ലൗ ജിഹാദ് വിഷയത്തിൽ സംശയങ്ങൾ ദുരീകരിക്കപ്പെടണമെന്ന് ജോസ് കെ മാണിയും പറഞ്ഞു. ഇത് വിവാദമായതിനെ തുടർന്ന് ജോസ് കെ മാണി തന്നെ തന്റെ നിലപാട് തിരുത്തി പറഞ്ഞു.

Story Highlights: no love jihad in kerala says shashi tharoor