ഒമാനില്‍ ഇന്ന് 800 പേര്‍ക്ക് കൊവിഡ് സ്ഥിരീകരിച്ചു

ഒമാനില്‍ ഇന്ന് 800 പേര്‍ക്ക് കൂടി കൊവിഡ് സ്ഥിരീകരിച്ചു. മൂന്ന് മരണവും ഇന്ന് റിപ്പോര്‍ട്ട് ചെയ്തു. 1681 പേരാണ് ഒമാനില്‍ ഇതുവരെ കൊവിഡ് ബാധിച്ച് മരിച്ചത്. പുതുതായി 800 പേര്‍ക്ക് കൂടി കൊവിഡ് സ്ഥിരീകരിച്ചതോടെ ഒമാനിലെ കൊവിഡ് ബാധിതരുടെ എണ്ണം 160018 ആയി ഉയര്‍ന്നു.

അതേസമയം, ഇന്ന് കൊവിഡ് മൂലം 77 രോഗികളെ കൂടി ആശുപത്രിയില്‍ പ്രവേശിപ്പിച്ചു. ഇതോടെ ആശുപത്രികളില്‍ ചികിത്സയില്‍ കഴിയുന്നവരുടെ എണ്ണം 515 ആയി. ഇതില്‍ 160 പേര്‍ തീവ്രപരിചരണ വിഭാഗത്തില്‍ ചികിത്സയില്‍ ആണ് എന്നും ഒമാന്‍ ആരോഗ്യ മന്ത്രാലയം വ്യക്തമാക്കി.

673 പേര്‍ക്ക് കൊവിഡ് മുക്തി നേടാനായതോടെ രാജ്യത്തെ ആകെ കൊവിഡ് മുക്തരുടെ എണ്ണം 143398 ആയി. 90.3 ശതമാനമാണ് നിലവില്‍ ഒമാനില്‍ കൊവിഡ് രോഗമുക്തി നിരക്ക്.

Story Highlights: Oman reports 800 new COVID-19 cases

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top