ആലപ്പുഴയില് കൊവിഡ് രോഗികള് വര്ധിക്കുന്നു; പരിശോധിക്കുമെന്ന് മുഖ്യമന്ത്രി
ആലപ്പുഴ ജില്ലയില് കൊവിഡ് രോഗികളുടെ എണ്ണം വര്ധിക്കുന്നതായി മുഖ്യമന്ത്രി പിണറായി വിജയന്. ഇതിന്റെ കാരണം വ്യക്തമല്ല. ആലപ്പുഴയില് രോഗികള് വര്ധിക്കുന്നതിന്റെ കാരണം പരിശോധിക്കുമെന്നും മുഖ്യമന്ത്രി പറഞ്ഞു.
ആലപ്പുഴയില് ഇന്ന് 2951 പേര്ക്കാണ് കൊവിഡ് സ്ഥിരീകരിച്ചത്. ഇതില് 2947 പേര്ക്ക് സമ്പര്ക്കം വഴിയാണ് രോഗബാധ. ജില്ലയില് ഇന്നലെ 2791 പേര്ക്കായിരുന്നു രോഗം സ്ഥിരീകരിച്ചത്. ആലപ്പുഴയില് കൊവിഡ് ബാധ വര്ധിക്കുന്നത് ആശങ്കയ്ക്ക് ഇടയാക്കിയിട്ടുണ്ട്.
അതേസമയം, സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 41,953 പേര്ക്കാണ്. കേരളത്തില് ഒരു ദിവസം റിപ്പോര്ട്ട് ചെയ്യുന്ന ഏറ്റവും ഉയര്ന്ന പ്രതിദിന കണക്കാണിത്. സംസ്ഥാനത്ത് ഇന്ന് 58 പേര് കൊവിഡ് ബാധിച്ച് മരിക്കുകയും ചെയ്തു.
Story Highlights– covid 19, alappuzha
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here