16
Jun 2021
Wednesday

കുസാറ്റ് പൊതുപ്രവേശന പരീക്ഷ മാറ്റിവച്ചു

Candidates can apply for Civil Service Exam Training

കൊവിഡ്-19 വ്യാപനം രൂക്ഷമായ സാഹചര്യത്തില്‍ കൊച്ചി ശാസ്ത്ര സാങ്കേതിക സര്‍വകലാശാലയിലെ പൊതുപ്രവേശന പരീക്ഷ മാറ്റി. ജൂണ്‍ 12, 13, 14 തിയതികളില്‍ നടത്താന്‍ തീരുമാനിച്ചിരുന്ന സര്‍വകലാശാലയുടെ വിവിധ അക്കാദമിക് പ്രോഗ്രാമുകളിലെ പ്രവേശനത്തിനായുള്ള പൊതുപ്രവേശന പരീക്ഷയാണ് മാറ്റി വച്ചത്. പുതുക്കിയ തിയതികള്‍ പിന്നീട് അറിയിക്കുമെന്ന് അഡ്മിഷന്‍ വിഭാഗം ഡയറക്ടര്‍ അറിയിച്ചു.

അതേസമയം യാത്രക്കാരുടെ കുറവ് മൂലം കേരളത്തിലൂടെയുള്ള കൂടുതല്‍ ട്രെയിനുകള്‍ ദക്ഷിണ റെയില്‍വേ റദ്ദാക്കി. ചെന്നൈ- ആലപ്പി എക്‌സ്പ്രസ്, എറണാകുളം -കാരയ്ക്കല്‍ എക്‌സ്പ്രസ്, മലബാര്‍ എക്‌സ്പ്രസ്, പുനലൂര്‍ – മധുരൈ പാസഞ്ചര്‍ എന്നിവയാണ് റദ്ദാക്കിയ ട്രെയിനുകള്‍.

ഈ മാസം 31 വരെയാണ് സര്‍വീസ് നിര്‍ത്തി വച്ചിട്ടുള്ളത്. നേരത്തെ കേരളത്തിലൂടെയുള്ള 33 ഓളം പ്രധാന ട്രെയിന്‍ സര്‍വീസുകള്‍ ദക്ഷിണ റെയില്‍വേ റദ്ദാക്കിയിരുന്നു. ലോക്ക് ഡൗണിനെ തുടര്‍ന്ന് യാത്രക്കാര്‍ കുറവായതിനാലാണ് സര്‍വീസ് നിര്‍ത്തിവെച്ചതെന്ന് അധികൃതര്‍ അറിയിച്ചു.

Story Highlights: covid 19, cusat, entrance exam postponed

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top