24
Jun 2021
Thursday

പതിനഞ്ചാം കേരള നിയമസഭയുടെ പ്രോടെം സ്പീക്കറായി പി.ടി.എ. റഹീം സത്യപ്രതിജ്ഞ ചെയ്തു

പതിനഞ്ചാം കേരള നിയമസഭയുടെ പ്രോടെം സ്പീക്കറായി പി.ടി.എ. റഹീം രാജ്ഭവനില്‍ ഗവര്‍ണര്‍ ആരിഫ് മുഹമ്മദ് ഖാന്‍ മുന്‍പാകെ സത്യപ്രതിജ്ഞ ചെയ്തു.തൃത്താല എംഎ‍ല്‍എ എം.ബി രാജേഷ് ആണ് സ്പീക്കറായി ചുമതലയേല്‍ക്കുന്നത്.നിയമസഭയുടെ ആദ്യ സമ്മേളനം 24, 25 തീയതികളില്‍ വിളിച്ചു ചേര്‍ക്കുന്നതിന് ഗവര്‍ണറോടു ശുപാര്‍ശ ചെയ്യാന്‍ മന്ത്രിസഭ തീരുമാനിച്ചിരുന്നു.

സ്പീക്കര്‍ തെരഞ്ഞെടുപ്പിന് പ്രോടെം സ്പീക്കറാണ് മേല്‍നോട്ടം വഹിക്കുക. സ്പീക്കര്‍ ചുമതലയേല്‍ക്കുന്നത് വരെയുള്ള നിയമസഭാ നടപടിക്രമങ്ങളും പ്രോടെം സ്പീക്കറുടെ മേല്‍നോട്ടത്തിലായിരിക്കും നടത്തുക. കുന്നമംഗലത്തുനിന്നുള്ള ഇടത് സ്വതന്ത്ര എംഎല്‍എയാണു റഹീം. ഡിസിസി ജനറല്‍ സെക്രട്ടറി ജിനേശ് പെരുമണ്ണയെ 10,276 വോട്ടുകള്‍ക്ക് പരാജയപ്പെടുത്തിയാണ് റഹീമിന്റെ വിജയം.അഡ്വക്കറ്റ് ജനറല്‍ ആയി അഡ്വക്കറ്റ് കെ. ഗോപാലകൃഷ്ണക്കുറുപ്പിനെയും നിയമിച്ചിട്ടുണ്ട്.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top