നദാലിനു പിന്നാലെ ഒ​സാ​ക്കയും വിം​ബ​ൾ​ഡ​ണി​ൽ​ നി​ന്നും പി​ന്മാ​റി; ടോ​ക്കി​യോ ഒ​ളി​മ്പി​ക്സി​ൽ മ​ട​ങ്ങി​യെ​ത്തും

ഗ്രാന്‍റ്​സ്ലാം ഗ്ലാമര്‍ വേദിയായ വിംബിള്‍ഡണില്‍ നിന്ന്​ പിന്മാറ്റം പ്രഖ്യാപിച്ച്‌​ മുന്‍നിര താരങ്ങള്‍. നദാലിനു പിന്നാലെ ജാ​പ്പ​നീ​സ് താ​രം ന​മോ​വി ഒ​സാ​ക്കയും വിം​ബ​ൾ​ഡ​ണി​ൽ​ നി​ന്നും പി​ന്മാ​റി. മാനസിക പ്രശ്​നങ്ങളുള്ളതിനാല്‍ കുടുംബത്തി​നും ചങ്ങാതിമാര്‍ക്കുമൊപ്പം സമയം കണ്ടെത്താനാണ്​ നടപടിയെന്നാണ്​ വിശദീകരണം. എ​ന്നാ​ൽ ടോ​ക്കി​യോ ഒ​ളി​മ്പി​ക്സി​ൽ തി​രി​ച്ചു​വ​രു​മെ​ന്നും ഒ​സാ​ക്ക അ​റി​യി​ച്ചു.

ടോ​ക്കി​യോ​യി​ലെ ത​ന്‍റെ നാ​ട്ടു​കാ​ർ​ക്ക് മു​ന്നി​ൽ ക​ളി​ക്കാ​ൻ ആ​വേ​ശ​ത്തോ​ടെ കാ​ത്തി​രി​ക്കു​ക​യാ​ണെ​ന്ന് ലോ​ക ര​ണ്ടാം ന​മ്പ​ർ താ​രം പ​റ​ഞ്ഞു.

റാഫേല്‍ നദാല്‍ ആണ്​ വിംബിള്‍ഡണില്‍ നിന്ന്​ ആദ്യമായി പിന്മാറുന്ന മുന്‍നിര താരം. 2008ലും 2010ലും വിംബിള്‍ഡണ്‍ കിരീടം ചൂടിയ നദാല്‍ ഫ്രഞ്ച്​ ഓപണ്‍ സെമിയില്‍ ദ്യോകോവിച്ചിനോട്​ പരാജയപ്പെട്ടിരുന്നു. കളിമണ്‍ കോര്‍ട്ടിലെ നീണ്ട പോരാട്ടങ്ങള്‍ക്ക്​ ഇടവേള ആയാണ്​ പിന്മാറ്റമെന്ന്​ നദാല്‍ അറിയിച്ചു. ഒ​ളി​മ്പി​ക്സി​ലും ഇത്തവണ നദാല്‍ റാക്കറ്റേന്തില്ല.

നേരത്തെ ഫ്രഞ്ച്​ ഓപണില്‍ മാധ്യമങ്ങ​ളെ കാണാന്‍ വിസമ്മതിച്ചതിനു പിന്നാലെയായിരുന്നു പിന്മാറ്റം. വിംബിള്‍ഡണിലും മാധ്യമങ്ങളെ കാണാന്‍ നില്‍ക്കാത്ത സാഹചര്യം ഒഴിവാക്കാന്‍ നടപടി സ്വീകരിക്കുമെന്ന്​ സംഘാടകര്‍ അറിയിച്ചിരുന്നു. ഇതാണോ പിന്മാറ്റത്തിന് കാരണമെന്ന്​ വ്യക്​തമല്ല.