30
Jul 2021
Friday

അണ്ണാ ഡി.എം.കെ മുന്‍ മന്ത്രി തോപ്പു എന്‍.ഡി വെങ്കടാചലം ഡി.എം.കെയില്‍ ചേര്‍ന്നു

അണ്ണാ ഡി.എം.കെ മുന്‍ മന്ത്രി തോപ്പു എന്‍.ഡി വെങ്കടാചലവും അനുയായികളും ഡി.എം.കെയില്‍ ചേര്‍ന്നു. ഞായറാഴ്​ച രാവിലെ അണ്ണാ അറിവാലയത്തില്‍ നടന്ന ചടങ്ങില്‍ മുഖ്യമന്ത്രി എം.കെ സ്​റ്റാലിന്‍ ഇവരെ വരവേറ്റു. അന്തിയൂര്‍ മുന്‍ എം.എല്‍.എ കൃഷ്​ണന്‍, 15 സഹകരണ സംഘം പ്രസിഡന്‍റുമാര്‍ ഉള്‍പ്പെടെ ആയിരത്തോളം പേരാണ്​ വെങ്കടാചലത്തോടൊപ്പം പാര്‍ട്ടിയില്‍ ചേര്‍ന്നത്​.

ഇറോഡ്​ ജില്ലയിലെ പെരുന്തുറൈ നിയമസഭ മണ്ഡലത്തില്‍നിന്ന്​ രണ്ട്​ തവണ വിജയിച്ചു. ജയലളിത മന്ത്രിസഭയില്‍ റവന്യു, പരിസ്​ഥിതി വകുപ്പുമന്ത്രിയായിരുന്നു. കഴിഞ്ഞ നിയമസഭ തെരഞ്ഞെടുപ്പില്‍ അണ്ണാ ഡി.എം.കെ ഇദ്ദേഹത്തിന്​ സീറ്റ്​ നിഷേധിച്ചു. തുടര്‍ന്ന്​ സ്വതന്ത്രനായി മല്‍സരിച്ചതിനെ തുടര്‍ന്ന്​ അണ്ണാ ഡി.എം.കെയില്‍നിന്ന്​ പുറത്താക്കപ്പെട്ടു.

കൊങ്കുമേഖലയില്‍പ്പെട്ട ഇറോഡില്‍ നിന്ന്​ പ്രവര്‍ത്തകരുടെ ​കൊഴിഞ്ഞുപ്പോക്ക്​ അണ്ണാ ഡി.എം.കെ നേതൃത്വത്തെ ഞെട്ടിച്ചിട്ടുണ്ട്​. കഴിഞ്ഞ ദിവസം മക്കള്‍ നീതിമയ്യം പ്രസിഡന്‍റ്​ കമല്‍ഹാസന്റെ വലംകൈയ്യായി പ്രവര്‍ത്തിച്ച ആര്‍. മഹേന്ദ്രനും കൂട്ടരും ഡി.എം.കെയില്‍ ചേര്‍ന്നിരുന്നു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top