03
Aug 2021
Tuesday

കുണ്ടറ പീഡന പരാതി; ജി പത്മാകരനെ എൻസിപിയിൽ നിന്ന് സസ്പൻഡ് ചെയ്തു

g padmakaran suspenderd ncp

ജി പത്മാകരനെ എൻസിപിയിൽ നിന്ന് സസ്പൻഡ് ചെയ്തു. കുണ്ടറയിലെ യുവതിയുടെ പീഡന പരാതിയെ തുടർന്നാണ് നടപടി. കൊല്ലം ജില്ലാ പ്രസിഡൻ്റ് എൻ രാജീവിനെയും സസ്പൻഡ് ചെയ്തു. എൻസിപി സംസ്ഥാന നിർവാഹക സമിതി അംഗമാണ് പത്മാകരൻ. പാർട്ടി കഴിഞ്ഞ ദിവസം നടത്തിയ അന്വേഷണത്തിനൊടുവിലാണ് തീരുമാനം. ( g padmakaran suspenderd ncp )

നേരത്തെ, കുണ്ടറ പീഡനക്കേസിൽ പരാതിക്കാരി മൊഴി നൽകിയിരുന്നു. മന്ത്രി എ കെ ശശീന്ദ്രൻ ഒത്തുതീർപ്പിന് ശ്രമിച്ചെന്നാണ് മൊഴി. പീഡന പരാതി ഒതുക്കി തീർക്കാൻ മന്ത്രി ശ്രമിച്ചു. മന്ത്രി ഫോൺ വിളിച്ചത് ഉൾപ്പെടെ പൊലീസിന് മൊഴി നൽകിയിട്ടുണ്ട്. മന്ത്രിക്ക് എതിരെ ഗവർണർ ആരിഫ് അലി ഖാനും പരാതി നൽകുമെന്ന് അവർ പറഞ്ഞു. സിസി ടിവി ദൃശ്യങ്ങൾ കേന്ദ്രീകരിച്ച് പൊലീസ് അന്വേഷണം ആരംഭിച്ചിട്ടുണ്ട്.

Read Also: മന്ത്രി എ കെ ശശീന്ദ്രന്‍ ഒത്തുതീര്‍പ്പിന് ശ്രമിച്ചു; മൊഴി നല്‍കി പരാതിക്കാരി

അതേസമയം മന്ത്രി എ കെ ശശീന്ദ്രന്റെ രാജി ആവശ്യപ്പെട്ട് നിയമസഭയ്ക്ക് മുന്നിൽ പ്രതിഷേധ പരമ്പര നടന്നു. സ്ത്രീപീഡന പരാതി ഒതുക്കി തീർക്കാൻ ഇടപ്പെട്ട മന്ത്രി എ കെ ശശീന്ദ്രൻ രാജിവയ്ക്കണമെന്നാവശ്യപ്പെട്ട് നിയമസഭയ്ക്കുള്ളിൽ പ്രതിപക്ഷം പ്രതിഷേധം ശക്തമാക്കിയപ്പോൾ സഭയ്ക്ക് പുറത്ത് പ്രതിഷേധം കടുപ്പിച്ചത് ബിജെപിയുടെ പോഷക സംഘടനകളാണ്.

യുവമോർച്ച നടത്തിയ പ്രതിഷേധ മാർച്ച് സംഘർഷത്തിൽ കലാശിച്ചു. ബാരിക്കേഡ് ഭേദിക്കാൻ ശ്രമിച്ച പ്രവർത്തകർക്ക് നേരെ പൊലീസ് നാല് തവണ ജലപീരങ്കി പ്രയോഗിച്ചു. പിന്നെയും പ്രതിഷേധം തുടർന്നതോടെ കണ്ണീർ വാതകം പ്രയോഗിച്ചു.

ദേഹാസ്വാസ്ഥ്യം അനുഭവപ്പെട്ട പ്രവർത്തകരെ ആശുപത്രിയിലേക്ക് മാറ്റി.രാവിലെ മന്ത്രിയുടെ വാഹനം തടഞ്ഞും യുവമോർച്ച പ്രവർത്തകർ പ്രതിഷേധിച്ചിരുന്നു. നിയമസഭയുടെ ഇടത് ഗേറ്റിന് സമീപം പ്രതിഷേധവുമായെത്തിയ മഹിളാ മോർച്ച പ്രവർത്തകരെയും പൊലീസ് അറസ്റ്റ് ചെയ്ത് നീക്കി.

Story Highlights: g padmakaran suspenderd ncp

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top