വീണ്ടും ബാങ്ക് വായ്പ തട്ടിപ്പ് ; കാറളം സർവീസ് സഹകരണ ബാങ്കിൽ അഞ്ച് ലക്ഷം വായ്പയുടെ മറവിൽ 20 ലക്ഷം വായ്പയെടുത്തു
കരുവന്നൂർ ബാങ്ക് തട്ടിപ്പിന് പിന്നാലെ കാറളം സർവീസ് സഹകരണ ബാങ്കിലും വായ്പ തട്ടിപ്പ്. 75 കാരിയാണ് തട്ടിപ്പിനിരയായത്. 5 ലക്ഷം വായ്പയുടെ മറവിൽ 20 ലക്ഷം രൂപയുടെ വായ്പ ബാങ്കിന്റെ ഒത്താശയോടെ സഹോദരൻ തട്ടിയെടുത്തെന്ന് കണ്ടെത്തൽ.
തട്ടിപ്പിൽ കാറളം സഹകരണ ബാങ്കിന്റെ പ്രസിഡന്റും സെക്രട്ടറിയും അഞ്ചും ആറും പ്രതികളാണ്. സംഭവത്തിൽ കേസെടുത്ത് അന്വേഷിക്കാൻ ഇരിങ്ങാലക്കുട കോടതി ഉത്തരവിട്ടു.
അഞ്ച് ലക്ഷം രൂപയാണ് 75 കാരി ബാങ്കിൽ നിന്നും വായ്പ എടുത്തിരുന്നത്. ഇവർ തിരിച്ചടവ് മുടക്കിയിരുന്നു. തുടർന്ന് സഹോദരൻ ഇത് പുതുക്കണമെന്ന് ആവശ്യപ്പെടുകയായിരുന്നു. അതിനായി ഒപ്പിട്ടുനൽകിയ പേപ്പറുകളെല്ലാം പുതിയ ലോണിനുള്ള അപേക്ഷകളായിരുന്നു. ഈ അഞ്ച് ലക്ഷം വായ്പയുടെ മറവിലാണ് 20 ലക്ഷം രൂപയുടെ വായ്പ സഹോദരൻ എടുത്തിരുന്നത്.
സംഭവത്തിൽ 20 ലക്ഷം രൂപ വായ്പ അനുവദിക്കുന്നതിന് ബാങ്ക് കൂട്ടുനിന്നുവെന്നാണ് പ്രധാനപ്പെട്ട ആരോപണം. കാറളം സർവീസ് സഹകരണ ബാങ്കിന്റെ സഹായത്തോടെയാണ് സഹോദരൻ തട്ടിപ്പ് നടത്തിയിരിക്കുന്നത്.
Read Also: തട്ടിപ്പിനെപ്പറ്റി അറിഞ്ഞത് നാല് മാസം മുന്പ്; കരുവന്നൂര് ബാങ്ക് ഭരണ സമിതി പ്രസിഡന്റ്
Story Highlights: Karalam Service Co-operative Bank Fraud, Thrissur
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here