17
Sep 2021
Friday

21ആം നൂറ്റാണ്ടിൽ ജനിച്ച് ഇന്ത്യക്കായി അരങ്ങേറുന്ന ആദ്യ താരം; അപൂർവ നേട്ടവുമായി ദേവദത്ത്

devdutt padikkal record srilanka

21ആം നൂറ്റാണ്ടിൽ ജനിച്ച് ഇന്ത്യക്കായി അരങ്ങേറുന്ന ആദ്യ താരമെന്ന നേട്ടവുമായി കർണാടക മലയാളി ദേവദത്ത് പടിക്കൽ. റോയൽ ചലഞ്ചേഴ്സ് ബാംഗ്ലൂർ താരമായ ദേവദത്ത് ശ്രീലങ്കക്കെതിരായ രണ്ടാം ടി-20യിൽ അരങ്ങേറിയാണ് അപൂർവ നേട്ടം സ്വന്തമാക്കിയത്. 2000 ജൂലൈ ഏഴാം തീയതിയായിരുന്നു പാതിമലയാളി ആയ ദേവദത്തിൻ്റെ ജനനം. (devdutt padikkal record srilanka)

കൃണാൽ പാണ്ഡ്യ കൊവിഡ് ബാധിച്ച് ക്വാറൻ്റീനിലും താരവുമായി അടുത്ത സമ്പർക്കം പുലർത്തിയ 8 താരങ്ങൾ ഐസൊലേഷനിലും പ്രവേശിച്ചതോടെയാണ് ദേവദത്തിന് ഇന്ത്യൻ ജഴ്സിയിൽ അരങ്ങേറാനായത്. മത്സരത്തിന് താരത്തിന് ഭേദപ്പെട്ട പ്രകടനം കാഴ്ചവെക്കാൻ സാധിച്ചു. മൂന്നാം നമ്പറിൽ ക്രീസിലെത്തിയ താരം ഒരു ബൗണ്ടറിയും സിക്സറും അടക്കം 23 പന്തിൽ 29 റൺസെടുത്ത് പുറത്താവുകയായിരുന്നു.

ആഭ്യന്തര ക്രിക്കറ്റിൽ കഴിഞ്ഞ ഏതാനും സീസണുകളിലായി തകർപ്പൻ ഫോമിലാണ് ദേവദത്ത്. കഴിഞ്ഞ ഐപിഎൽ സീസണിലും ഈ ഐപിഎലിലെ ആദ്യ ഘട്ട മത്സരങ്ങളിലും ദേവദത്ത് ഗംഭീര പ്രകടനം നടത്തിയിരുന്നു. സ്ഥിരതയോടെ റൺസ് കണ്ടെത്തുന്നതിനെ തുടർന്നാണ് താരത്തെ ഇന്ത്യൻ ടീമിൽ പരിഗണിച്ചത്.

Read Also: ഇന്ത്യ-ശ്രീലങ്ക മൂന്നാം ടി-20 ഇന്ന്; ഇരു ടീമിനും നിർണായകം

ആകെ അഞ്ച് ബാറ്റ്സ്മാന്മാർ മാത്രമാണ് രണ്ടാം മത്സരത്തിൽ ഇന്ത്യക്കായി കളത്തിലിറങ്ങിയത്. പഴകിയ പിച്ചിൽ ബാറ്റിംഗ് വളരെ ദുഷ്കരമായിരുന്നു. 6 ബൗളർമാരുമായി ഇറങ്ങിയ ഇന്ത്യ അവസാനം വരെ പൊരുതിയെങ്കിലും ശ്രീലങ്ക 4 വിക്കറ്റ് ജയം കുറിച്ചിരുന്നു. ഇന്ത്യ മുന്നോട്ടുവച്ച 133 റൺസ് വിജയ ലക്ഷ്യം ശ്രീലങ്ക 6 വിക്കറ്റ് നഷ്ടത്തിൽ 2 പന്ത് അവശേഷിക്കവേ മറികടന്നു. 40 റൺസെടുത്ത് പുറത്താവാതെ നിന്ന ധനഞ്ജയ ഡി സിൽവയായിരുന്നു ടീമിന് വിജയം ഒരുക്കിയത്.

ആ​ദ്യ ബാ​റ്റ് ചെ​യ്ത ഇ​ന്ത്യ​ക്ക് 20 ഓ​വ​റി​ൽ അ​ഞ്ചു വി​ക്ക​റ്റി​ന് 132 റ​ൺ​സ് എ​ടു​ക്കാ​നേ സാ​ധി​ച്ചു​ള്ളൂ. നാ​യ​ക​ൻ ശി​ഖ​ർ ധ​വാ​ൻ (42 പ​ന്തി​ൽ 40) ടോ​പ് സ്കോ​റ​റാ​യി. എ​ട്ട് മാ​റ്റ​ങ്ങ​ളു​മാ​യാ​ണ് ഇ​ന്ത്യ ഇ​റ​ങ്ങി​യ​ത്. കൊ​വി​ഡ് ബാ​ധി​ച്ച കൃ​ണാ​ൽ പാ​ണ്ഡ്യ​യു​മാ​യി അ​ടു​ത്ത ബ​ന്ധം പു​ല​ർ​ത്തി​യ പൃ​ഥ്വി ഷാ, ​സൂ​ര്യ​കു​മാ​ർ യാ​ദ​വ്, മ​നീ​ഷ് പാ​ണ്ഡെ, ഹ​ർ​ദി​ക് പാ​ണ്ഡ്യ, ഇ​ഷാ​ൻ കി​ഷ​ൻ, യു​സ് വേ​ന്ദ്ര ചാ​ഹ​ൽ, കൃ​ഷ്ണ​പ്പ ഗൗ​തം, ദീ​പ​ക് ചാ​ഹ​ർ എ​ന്നി​വ​രെ ഐ​സോ​ലേ​ഷ​നി​ൽ പ്ര​വേ​ശി​ച്ചി​തോ​ടെ ഇ​ന്ത്യ​ക്കു ടീ​മി​ൽ മു​ഴു​വ​ൻ അ​ഴി​ച്ചു​പ​ണി ന​ട​ത്തേ​ണ്ടി​വ​ന്നു. ചേ​ത​ൻ സ​ക്ക​രി​യ, ദേ​വ​ദ​ത്ത പ​ടി​ക്ക​ൽ, നി​തീ​ഷ് റാ​ണ, ഋ​തു​രാ​ജ് ഗെ​യ്ക് വാ​ദ് എ​ന്നി​വ​ർ ഇ​ന്ത്യ​ക്കാ​യി അ​ന്താ​രാ​ഷ് ട്ര ​ക്രി​ക്ക​റ്റി​ൽ അ​ര​ങ്ങേ​റ്റം കു​റി​ച്ചു.

Story Highlights: devdutt padikkal record srilanka

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top