മലര്‍ത്തിയടിച്ച് ബജ്‌റംഗ് പൂനിയ

65 കിലോഗ്രാം പുരുഷ വിഭാഗം ഗുസ്തിയില്‍ ഇന്ത്യയുടെ ബജ്‌റംഗ് പൂനിയ സെമിയില്‍. ക്വാര്‍ട്ടറില്‍ ഇറാന്റെ ഗിയാസി ചേക്കയെ ബൈ-ഫാളിലൂടെ തോല്‍പ്പിച്ചാണ് ബജ്‌റംഗ് സെമിയിലെത്തിയത്. ഉച്ചയ്ക്ക് ശേഷം 2.50ന് നടക്കുന്ന സെമിഫൈനലില്‍ അസര്‍ബൈജാന്റെ ഹാജി അലിയേവിനെ നേരിടും.

ആദ്യറൗണ്ടില്‍ കിര്‍ഗിസ്ഥാന്റെ എര്‍നാസര്‍ എക്മത്തലീവിനെ പരാജയപ്പെടുത്തിയാണ് ബജ്‌റങ് പൂനിയ ക്വാര്‍ട്ടറില്‍ എത്തിയത്. ഇക്കഴിഞ്ഞ ഏഷ്യന്‍ ഗുസ്തി ചാംപ്യന്‍ഷിപ്പ് ജേതാവായിരുന്ന ബജ്‌റങ് കോമണ്‍വെല്‍ത്ത് ഗെയിംസിലും ഏഷ്യന്‍ ഗെയിംസിലും സ്വര്‍ണം നേടിയിരുന്നു.

Story Highlights: bajrang punia tokyo