താരിഖ് അൻവറിനെ മാറ്റില്ല ; ഗ്രൂപ്പുകൾക്ക് വഴങ്ങാത്തത് അയോഗ്യതയല്ല : ഹൈക്കമാൻഡ്

കേരളത്തിലെ കോൺഗ്രസ് ഗ്രൂപ്പുകൾക്ക് മറുപടി നൽകി ഹൈക്കമാൻഡ്. ഗ്രൂപ്പുകൾക്ക് വഴങ്ങാത്തത് താരിഖ് അൻവറിന്റെ അയോഗ്യതയല്ലെന്ന് ഹൈക്കമാൻഡ് പ്രതികരിച്ചു.ശേഷിച്ച പുനഃസംഘടനാ ചർച്ചകളിലും ദേശീയ നേതൃത്വത്തെ താരിഖ് അൻവർ പ്രതിനിധീകരിക്കുമെന്നും ഹൈക്കമാൻഡ് വ്യക്തമാക്കി.

താരിഖ് അൻവറിനെതിരെ കേരളത്തിലെ കോൺ​ഗ്രസ് ​ഗ്രൂപ്പുകൾ രം​ഗത്തെത്തിയിരുന്നു. ജനറൽ സെക്രട്ടറി പക്ഷപാതപരമായി പെരുമാറുന്നുവെന്നാണ് ആരോപണം. കേരളത്തിലെ വിഷയങ്ങൾ മോശമായാണ് കൈകാര്യം ചെയ്തതെന്നും പരാതിയുണ്ട്. തുടർന്ന് അതൃപ്തി നേതാക്കൾ ഹൈക്കമാൻഡിനെ അറിയിക്കുകയായിരുന്നു.

Read Also : താരിഖ് അന്‍വറിനെതിരെ ഗ്രൂപ്പുകൾ; പക്ഷപാതപരമായ പെരുമാറ്റം: ഹൈക്കമാന്‍ഡിനെ അറിയിക്കും

ഡി സി സി പുനഃസംഘടനയുമായി ബന്ധപ്പെട്ട് മുതിർന്ന നേതാക്കളായ ഉമ്മൻചാണ്ടിയേയും രമേശ് ചെന്നിത്തലയേയും പരി​ഗണിച്ചില്ലെന്നും പരസ്യനിലപാട് സ്വീകരിച്ച ചില നേതാക്കൾക്കെതിരെ മാത്രം സ്വീകരിച്ച നടപടിയിലും താരിഖ് അൻവറിനെതിരെ വ്യാപക വിമർശനം ഉയർന്നിരുന്നു.

Read Also : കോൺ​ഗ്രസ് വിടാനൊരുങ്ങി പി എസ് പ്രശാന്ത്; കെ സി വേണുഗോപാൽ ബിജെപി ഏജന്റെന്ന് ആരോപണം

Story Highlight: Congress High command On Tariq Anwar