ഐഐടി മദ്രാസ് ഇന്ത്യയിലെ ഏറ്റവും മികച്ച പഠനകേന്ദ്രം; പട്ടിക പുറത്ത് വിട്ട് വിദ്യാഭ്യാസ മന്ത്രി ധർമേന്ദ്ര പ്രധാൻ

ഐഐടി മദ്രാസിനെ ഇന്ത്യയിലെ ഏറ്റവും മികച്ച പഠനകേന്ദ്രമായി തെരഞ്ഞെടുത്തു. നാഷണൽ ഇൻസ്റ്റിറ്റ്യൂഷണൽ റാങ്കിം​ഗ്സ് ഫ്രേംവർക്ക് (എൻഐആർഎഫ് റാങ്കിം​ഗ് 2021) ആണ് ഇന്ത്യയിലെ വിദ്യാഭ്യാസ സ്ഥാപനങ്ങളിൽ മികച്ചത് ഏതെന്ന് തെരഞ്ഞെടുത്തത്. വിദ്യാഭ്യാസ മന്ത്രി ധർമേന്ദ്ര പ്രധാനാണ് ഇന്ന് എൻഐആർഎഫ് റാങ്കിം​ഗ് പട്ടിക പുറത്തുവിട്ടത്.

ഐ.ഐ.എസ്.സി ബം​ഗളൂരുവിനാണ് രണ്ടാം സ്ഥാനം. ഐഐടി ബോംബേ മൂന്നാം സ്ഥാനത്തും, ഐഐടി ഡൽഹി നാലാം സ്ഥാനത്തും, ഐഐടി കാൺപൂർ അഞ്ചാം സ്ഥാനത്തും, ഐഐടി ഖര​ഗ്പൂർ ആറാം സ്ഥാനത്തുമാണ്. ജെഎൻയുവിന് ഒൻ‍പതാം സ്ഥാനവും ബനാറസ് ഹിന്ദു സർവകലാശാലയ്ക്ക് പത്താം റാങ്കും ലഭിച്ചു.

ആരോ​ഗ്യ സർവകലാശാലകളിൽ ഡൽഹി എയിംസിനാണ് ആദ്യ സ്ഥാപനം. രണ്ടാം സ്ഥാനത്ത് PGIMER ചണ്ഡീ​ഗറും, മൂന്നാം സ്ഥാനത്ത് വെല്ലൂർ ക്രിസ്ത്യൻ കോളജുമാണ്. മികച്ച ബി-സ്കൂളായി അഹമ്മദാബാദ് ഐഐഎമ്മിനെ തെരഞ്ഞെടുത്തു.

Read Also : മദ്രാസ് ഐഐടിയിൽ മരിച്ച മലയാളിയുടെ ആത്മഹത്യാ കുറിപ്പ് കണ്ടെത്തി

കേളജുകളിൽ ആദ്യ റാങ്ക് നേടിയത് ഡൽഹി മിറാണ്ട ഹൗസാണ്. രണ്ടാം സ്ഥാനം ലേഡി ശ്രീരാം കോളജ് ഫോർ വുമൻ ഡൽഹിയും, മൂന്നാം സ്ഥാനം ചെന്നൈ ലൊയോള കോളജും നേടി.

Story Highlight: IIT madras NIRF Ranking