29
Sep 2021
Wednesday
Covid Updates

    ഹരിതയെ വിമർശിച്ച് പി.കെ. നവാസ്

    PK Navas criticize Haritha

    ഹരിതയെ വിമർശിച്ച് എം.എസ്.എഫ്. സംസ്ഥാന പ്രസിഡന്റ് പി.കെ. നവാസ്. പത്ത് വർഷത്തിനിടെ കലാലയങ്ങളിൽ വിപ്ലവകരമായ മാറ്റങ്ങൾ കൊണ്ടുവരാൻ ഹരിതയ്ക്ക് കഴിഞ്ഞെന്ന് പി.കെ. നവാസ്. ഹരിതയുടെ പത്താം വാർഷികം ഇത്തരമൊരു സാഹചര്യത്തിൽ നടത്തേണ്ടി വന്നത് ദൗർഭാഗ്യകരമാണ്. സംഘടന ജന്മദൗത്യത്തിൽ നിന്ന് വ്യതിചലിച്ചാൽ ഓർമപ്പെടുത്തേണ്ടത് മാതൃ സംഘടനയുടെ കടമയാണെന്നും പി.കെ. നവാസ് അറിയിച്ചു.

    അതേസമയം, അനീതിക്കെതിരെ പൊങ്ങാത്ത കൈ എന്തിനാണെന്ന് ഹരിതയുടെ പത്താം വാർഷികത്തിൽ മുൻ സംസ്ഥാന പ്രസിഡന്റ് മുഫീദ തെസ്‌നി പ്രതികരിച്ചു. അക്രമം തടയാത്ത വാക്ക് എന്തിനാണെന്നും മുഫീദ തെസ്‌നി ഫേസ്ബുക്കിൽ കുറിച്ചു. ഹരിത പത്താം വാർഷിക പോസ്റ്റിലാണ് പരാമർശം. ഫേയ്സ്ബുക്ക് സ്റ്റോറിയിലാണ് പ്രതികരണം.

    Read Also : അനീതിക്കെതിരെ ഉയരാത്ത കൈ എന്തിനെന്ന് ഹരിതയുടെ പത്താം വാർഷികത്തിൽ മുഫീദ തെസ്‌നി

    സ്ത്രീത്വത്തെ അപമാനിച്ചെന്ന ഹരിത നേതാക്കളുടെ പരാതിയിൽ പി.കെ. നവാസിനെ ഇന്നലെ പൊലീസ് അറസ്റ്റ് ചെയ്തിരുന്നു. മൊഴിയെടുക്കാനായി നവാസിനോട് ഹാജരാകാൻ ചെങ്ങമനാട് പൊലീസ് ആവശ്യപ്പെട്ടിരുന്നു. ചോദ്യം ചെയ്യലിനൊടുവിൽ നവാസിനെ അറസ്റ്റ് ചെയ്യുകയായിരുന്നു. സ്‌റ്റേഷൻ ജാമ്യം ലഭിക്കാവുന്ന വകുപ്പാണ് (ഐപിസി 354 (എ)) നവാസിനെതിരെ ചുമത്തിയിരിക്കുന്നത്. അറസ്റ്റ് സ്വാഭാവിക നടപടിയെന്നായിരുന്നു പി. കെ നവാസിന്റെ പ്രതികരണം. നിരപരാധിത്വം തെളിയിക്കാനുള്ള അവസരമായി അറസ്റ്റിനെ കാണുന്നു. പാർട്ടിയുടെ അനുവാദത്തോടെ മാധ്യമങ്ങളെ കണ്ട് പറയാനുള്ളത് പറയും. എംഎസ്എഫ് അധ്യക്ഷനായി തുടരണമോയെന്നത് പാർട്ടി തീരുമാനിക്കും. സ്ഥാനം ഒഴിയണമെന്ന് ലീഗ് ആവശ്യപ്പെട്ടാൽ ഒരു നെഗറ്റീവ് കമന്റുമില്ലാതെ സ്ഥാനം ഒഴിയും. ഇപ്പോൾ നടക്കുന്ന മാധ്യമ ചർച്ചകളിൽ വേദനയുണ്ടെന്നും നവാസ് പ്രതികരിച്ചു.

    Story Highlight: PK Navas criticize Haritha league

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top