18
Sep 2021
Saturday

ഉപജീവനമാർ​ഗമില്ല, കുടുംബം കഴിയുന്നത് മറ്റുള്ളവരുടെ സഹായത്തിൽ; സെറിബ്രൽ പാൾസി ബാധിച്ച എട്ട് വയസുകാരന്റെ ചികിത്സ അനിശ്ചിതത്വത്തിൽ

cerebral palsy boy help

സെറിബ്രൽ പാൾസി ബാധിച്ച എട്ട് വയസുകാരനുമായി വാടകവീടുകൾ കയറി ഇറങ്ങുകയാണ് പത്തനംതിട്ടയിലെ നീതു ജോസഫ്. ഭർത്താവിനെ ഡൽഹിയിൽ നിന്ന് കാണാതായതോടെ മറ്റുള്ളവരുടെ ചെറിയ സഹായം മാത്രമാണ് ഇവരുടെ ആശ്രയം. പ്രായാധിക്യത്തിൽ നിസഹായനായ ജോസഫിന് മകളുടെയും കൊച്ചുമകന്റെയും അവസ്ഥയിൽ പരിതപിക്കാനല്ലാതെ മറ്റൊന്നിനുമാവുന്നില്ല.

പത്തനംതിട്ട നഗരത്തിന് അത്രയൊന്നും അകലെയല്ല താഴേ വെട്ടിപ്പുറത്തെ ഈ വീട്. ഇവിടെ എത്രകാലം എന്ന് ചോദിച്ചാൽ ഇറക്കി വിടും വരെ എന്ന് മാത്രമേ നീതുവിനും അച്ഛൻ ജോസഫിനും പറയാനാകൂ. ഇതുവരെ കഴിഞ്ഞ വാടകവീടുകളിലെല്ലാം സംഭവിച്ചത് അതാണ്. 87 വയസു കഴിഞ്ഞ ജോസഫിന് മകളുടെയും കൊച്ചുമകന്റെയും ഭാവിയോർത്ത് ആധിയാണ്.

സെറിബ്രൽ പാഴസി ബാധിച്ച ആന്റണി നിരന്തരമായ ചികിത്സയും വ്യായാമവും കൊണ്ട് ഇപ്പോൾ സംസാരിച്ച് തുടങ്ങി. എങ്കിലും കൈത്താങ്ങില്ലാതെ എഴുന്നേറ്റ് നിൽക്കാനാവില്ല. നടക്കാനും. വർഷങ്ങളോളം ഡൽഹിയിലായിരുന്ന കുടുംബം നീതുവിന്റെ ഭർത്താവ് സെബസ്റ്റിയെ കാണാതായതോടെയാണ് നാട്ടിലേക്ക് മടങ്ങിയത്. അമ്മ മരിച്ചതോടെ കുട്ടിയെ ഒറ്റക്കാക്കി ജോലിക്ക് നീതുവിന് പോകാനാവില്ലെന്നായി. ഇതോടെ വരുമാനവും നിലച്ചു.

Read Also : ‘റേഷൻ ഇല്ലങ്കിൽ പട്ടിണിയാണ്’; ഭക്ഷണത്തിനും മരുന്നിനും പോലും വകയില്ലാതെ ദുരിതത്തിലായി വൃദ്ധ ദമ്പതികൾ

ആന്റണിയുടെ ആരോ​ഗ്യ നിലയിൽ ഇപ്പോൾ പുരോ​ഗതിയുണ്ട്. കുട്ടി സംസാരിക്കാനും പാട്ടുകൾ പാടാനുമെല്ലാം തുടങ്ങി. അവന്റെ മാറ്റങ്ങളിൽ മാത്രമാണ് നീതുവിന്റെ പ്രതീക്ഷ. പക്ഷെ തിരുവനന്തപുരം എസ്എടിയിലേക്കുള്ള യാത്രക്കും അവന്റെ പരിശീലനത്തിനും ഇനി ആരുടെ മുന്നിൽ കൈനീട്ടുമെന്നറിയാത്ത നിലയിലാണ് ഈ കുടുംബം.

ഈ കുടുംബത്തിന് വേണം സുമനസുകളുടെ സഹായം :

Name : NEETU
Account Number : 40405131855
IFSC Code: SBIN0007252
SBI Pathanamthitta Town Branch
Phone: 7510125300

Story Highlight: cerebral palsy boy help

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top