18
Jan 2022
Tuesday

പൂവാർ ലഹരി പാർട്ടി : പ്രത്യേക അന്വേഷണ സംഘം ഇന്ന് കേസന്വേഷണം ഏറ്റെടുക്കും

poovar rave party probe

പൂവാർ ലഹരി പാർട്ടിയുമായി ബന്ധപ്പെട്ട് വിപുലമായ അന്വേഷണത്തിനൊരുങ്ങുകയാണ് എക്‌സൈസ്. തിരുവനന്തപുരം അസിസ്റ്റന്റ് എക്‌സൈസ് കമ്മിഷണർ എസ്.വിനോദ് കുമാറിന്റെ നേതൃത്വത്തിലുള്ള പ്രത്യേക സംഘം ഇന്ന് അന്വേഷണം ഏറ്റെടുക്കും. ( poovar rave party probe )

ഇതര സംസ്ഥാന ബന്ധം ഉൾപ്പടെയുള്ള കാര്യങ്ങളിൽ വിശദമായ അന്വേഷണം നടത്താനാണ് തീരുമാനം. ലഹരി പാർട്ടിക്ക് പിന്നിൽ വലിയ സംഘം പ്രവർത്തിക്കുന്നുവെന്ന വിവരം എക്‌സൈസിന് ലഭിച്ചിരുന്നു. റിമാൻഡ് ചെയ്ത മൂന്നു പ്രതികളെയും പ്രത്യേക സംഘം കസ്റ്റഡിയിൽ വാങ്ങും. ജാമ്യത്തിൽ വിട്ടയച്ചവരെയും വിളിച്ച് വരുത്തി ചോദ്യം ചെയ്യും. ഫോൺവിളി രേഖകൾ പരിശോധിക്കാനും തീരുമാനമായിട്ടുണ്ട്.

അതേസമയം പൂവാർ കാരിക്കാത്ത് റിസോർട്ടിൽ നടന്ന ലഹരി പാർട്ടിയുടെ ദൃശ്യങ്ങൾ ട്വന്റിഫോറിന് ലഭിച്ചിരുന്നു. മെഗാ പാർട്ടി സംഘടിപ്പിക്കാൻ ആലോചന നടന്നതായി സ്റ്റേറ്റ് എക്‌സൈസ് എൻഫോഴ്‌സ്‌മെന്റ് സ്‌ക്വാഡ് കണ്ടെത്തിയിരുന്നു. സമൂഹ മാധ്യമങ്ങളിൽ ദൃശ്യങ്ങൾ പ്രചരിപ്പിച്ചാണ് ആളുകളെ ആകർഷിച്ചിരുന്നതെന്ന് എക്‌സൈസ് പറയുന്നു.

Read Also : തിരുവനന്തപുരം പൂവാർ റിസോർട്ടിലെ ലഹരി പാർട്ടി; പ്രത്യേക സംഘം അന്വേഷിക്കും

ബംഗളൂരു, ഗോവ, മണാലി എന്നിവിടങ്ങളിൽ സ്ഥിരം പാർട്ടി കേന്ദ്രങ്ങളുണ്ടെന്നാണ് അന്വേഷണ സംഘത്തിന്റെ കണ്ടെത്തൽ. പാർട്ടി സംഘടിപ്പിച്ചത് നിർവാണ ഗ്രൂപ്പാണെന്നും സംഘം കണ്ടെത്തി. സംഘാടകൻ അഖിൽ കഴിഞ്ഞ ദിവസം പിടിയിലായിരുന്നു.

Story Highlights : poovar rave party probe

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top