2019ന് ശേഷമുള്ള പുതുക്കിയ പെൻഷൻ അലവൻസ് ലഭിക്കുന്നില്ല; ജീവിതം മഹാകഷ്ടമെന്ന് പദ്മശ്രീ കലാമണ്ഡലം ഗോപി

ജീവിതം പ്രതിസന്ധിയിലാണെന്നും മഹാകഷ്ടത്തിലാണെന്നും പദ്മശ്രീ കലാമണ്ഡലം ഗോപി. 2019ന് ശേഷമുള്ള പുതുക്കിയ പെൻഷൻ അലവൻസ് ലഭിക്കുന്നില്ലെന്ന് കലാമണ്ഡലം ഗോപി പറയുന്നു. ( kalamandalm gopi seeks pension allowance )

കൊവിഡ് പ്രതിസന്ധി കൂടി വന്നതോടെ ജീവിതം ദുരിതത്തിലായി. കൊവിഡ് കാലം കഴിഞ്ഞാലും വേദിയിലെത്തി കലകൊണ്ട് ഉപജീവനമാർ​ഗം നടത്താനുള്ള ആരോ​ഗ്യ അവസ്ഥയിലല്ല താനെന്നും കലാമണ്ഡലം ​ഗോപി വ്യക്തമാക്കി. മൂന്ന് വർഷമായി പെൻഷൻ അലവൻസിനായി കാത്തിരിക്കുന്നു. സർക്കാർ പ്രഖ്യാപിച്ച പെൻഷൻ അലവൻസ് അനുവദിച്ചു തരണമെന്നാണ് അപേക്ഷയെന്നും ​ഗോപിയാശാൻ പറഞ്ഞു.

അതേസമം, കലാമണ്ഡലത്തിൽ നിന്ന് യഥാസമയം റിപ്പോർട്ട്‌ നൽകാത്തതാണ് പെൻഷൻ ലഭിക്കാതിരിക്കാൻ കാരണമെന്ന് ധന വകുപ്പും സാംസ്‌കാരിക വകുപ്പും പറയുന്നു.

Read Also : കലാമണ്ഡലം ഹൈദരാലിയുടെ ഓർമകൾക്ക് 14 വയസ്

അതിനിടെ വിഷയത്തിൽ പ്രതികരണവുമായി എഴുത്തുകാരൻ ആലങ്കോട് ലീലകൃഷ്ണനും , സൂര്യാ കൃഷ്ണമൂർത്തിയും രം​ഗത്തുവന്നു. ട്വന്റിഫോറിനോടായിരുന്നു ഇരുവരുടേയും പ്രതികരണം. കലാമണ്ഡലം ​ഗോപിയെ പോലുള്ള ഒരു കലാകാരന്റെ അവസ്ഥയിതാണെങ്കിൽ മറ്റ് ചെറിയ കാലാകാരന്മാരുടെ അവസ്ഥ എന്തായിരിക്കുമെന്ന് ആലങ്കോട് ലീലകൃഷ്ണൻ ചോദിക്കുന്നു. പല കലാകാരന്മാരും ആത്മഹത്യയുടെ വക്കിലാണ്. പലർക്കും ജോലിയില്ല, അവർ കല കൊണ്ട് ഉപജീവനമാർ​ഗം കണ്ടെത്തിയവരാണ്. അതുകൊണ്ട് തന്നെ കലാകാരന്മാർക്ക് അർ‍ഹിക്കുന്ന പരി​ഗണന നൽകണമെന്ന് അദ്ദേഹം വ്യക്തമാക്കി.

കലാമണ്ഡലം ​ഗോപിയാശാനെ പോലൊരു വ്യക്തി ഇത്തരത്തിലൊരു പ്രസ്താവന നടത്തണമെങ്കിൽ അദ്ദേഹം എത്രമാത്രം വേദനിച്ചുകാണുമെന്ന് സൂര്യാകൃഷ്ണമൂർത്തി ചോദിക്കുന്നു. കല എന്നാൽ സിനിമ മാത്രമാണെന്നാണ് എല്ലാവരും കരുതുന്നത്. ആ ചിന്ത മാറ്റണമെന്നും സൂര്യകൃഷ്ണമൂർത്തി പ്രതികരിച്ചു.

Story Highlights : kalamandalm gopi seeks pension allowance