Advertisement

വിൻഡീസ് പരമ്പര: ഇന്ത്യൻ ടീമിൽ മൂന്ന് പുതുമുഖങ്ങൾ; കുൽദീപ് മടങ്ങിയെത്തി

January 27, 2022
10 minutes Read
india team west indies
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

വെസ്റ്റ് ഇൻഡീസിനെതിരായ പരിമിത ഓവർ പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. യുവ ലെഗ് സ്പിന്നർ രവി ബിഷ്ണോയും പേസർ അവേഷ് ഖാനും ഓൾറൗണ്ടർ ദീപക് ഹൂഡയുമാണ് ടീമിലെ പുതുമുഖങ്ങൾ. ബിഷ്ണോയ് ഏകദിന, ടി-20 ടീമുകളിൽ ഇടംപിടിച്ചപ്പോൾ ഹൂഡയ്ക്ക് ഏകദിന ടീമിൽ സ്ഥാനം ലഭിച്ചു. അവേഷ് ഖാൻ ഏകദിന, ടി-20 ടീമുകളിൽ സ്ഥാനം നേടിയപ്പോൾ ഹർഷൽ പട്ടേൽ ടി-20 ടീമിലെ സ്ഥാനം നിലനിർത്തി. രോഹിത് ശർമ്മയാണ് ഇരു ടീമുകളുടെയും ക്യാപ്റ്റൻ. രോഹിതിനു കീഴിൽ ഇത് ആദ്യമായാണ് വിരാട് കോലി കളിക്കുക. മൂന്ന് വീതം ഏകദിന, ടി-20 മത്സരങ്ങൾ അടങ്ങിയ പരിമിത ഓവർ പരമ്പരകൾ അടുത്ത മാസം 6ന് ആരംഭിക്കും. (india team west indies)

Read Also : ഋഷി ധവാനും ഷാരൂഖ് ഖാനും ഇന്ത്യൻ ടീമിൽ ഇടം നേടിയേക്കുമെന്ന് സൂചന

ദക്ഷിണാഫ്രിക്കൻ പര്യടനത്തിൽ മോശം ഫോം നടത്തിയ ഭുവനേശ്വർ കുമാറും വെങ്കടേഷ് അയ്യരും ടി-20 ടീമിലുണ്ട്. ഏറെക്കാലത്തിനു ശേഷം ചൈനാമാൻ സ്പിന്നർ കുൽദീപ് യാദവ് ഏകദിന ടീമിൽ തിരികെയെത്തി. അശ്വിൻ രണ്ട് ടീമിലും ഇല്ല. ബുംറയ്ക്കും ഷമിയ്ക്കും വിശ്രമം അനുവദിച്ചു. ദക്ഷിണാഫ്രിക്കൻ പര്യടനത്തിൽ തകർപ്പൻ പ്രകടനം നടത്തിയ ശർദ്ദുൽ താക്കൂറും ദീപക് ചഹാറും ഇരു സ്ക്വാഡിലും ഇടംപിടിച്ചു. പ്രസിദ്ധ് കൃഷ്ണ ഏകദിന ടീമിൽ സ്ഥാനം നിലനിർത്തിയപ്പോൾ വാഷിംഗ്ടൺ സുന്ദർ ഇരു സ്ക്വാഡിലേക്കും മടങ്ങിയെത്തി. അക്സർ പട്ടേൽ ടി-20 ടീമിൽ മടങ്ങിയെത്തി. ശിഖർ ധവാൻ ഏകദിന ടീമിൽ സ്ഥാനം നിലനിർത്തി. പരുക്കിൽ നിന്ന് പൂർണമായി മുക്തരാവാത്ത ജഡേജയും ഹാർദ്ദിക്കും പുറത്തിരിക്കും. ആഭ്യന്തര ക്രിക്കറ്റിൽ മികച്ച പ്രകടനങ്ങൾ നടത്തിയ തമിഴ്നാട് ബാറ്റർ ഷാരൂഖ് ഖാനും മധ്യപ്രദേശ് ക്യാപ്റ്റനും ഓൾറൗണ്ടറുമായ ഋഷി ധവാനും ടീമുകളിൽ ഇടംനേടുമെന്ന് കരുതപ്പെട്ടിരുന്നെങ്കിലും അതുണ്ടായില്ല.

ഏകദിന ടീം :Rohit Sharma (C), KL Rahul (VC), Ruturaj Gaikwad, Shikhar Dhawan, Virat Kohli, Suryakumar Yadav, Shreyas Iyer, Deepak Hooda, Rishabh Pant (wicket-keeper), Deepak Chahar, Shardul Thakur, Yuzvendra Chahal, Kuldeep Yadav, Washington Sundar, Ravi Bishnoi, Mohammed Siraj, Prasidh Krishna, Avesh Khan

ടി-20 ടീം : Rohit Sharma (C), KL Rahul (VC), Ishan Kishan, Virat Kohli, Shreyas Iyer, Surya Kumar Yadav, Rishabh Pant (wicket-keeper), Venkatesh Iyer, Deepak Chahar, Shardul Thakur, Ravi Bishnoi, Axar Patel, Yuzvendra Chahal, Washington Sundar, Mohammed Siraj, Bhuvneshwar Kumar, Avesh Khan, Harshal Patel

Story Highlights : india team west indies

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement