ഉത്തർപ്രദേശിലെ ബിജെപി ഭരണത്തിൽ മുസ്‌ലിം പെൺകുട്ടികൾ സുരക്ഷിതരാണെന്ന് പ്രധാനമന്ത്രി; വോട്ടെടുപ്പ് പുരോഗമിക്കുന്നു: ഗോവയില്‍ 44%, യുപിയില്‍ 40%, ഉത്തരാഖണ്ഡ്‌ 35%

ഉത്തർപ്രദേശിലെ ബിജെപി ഭരണത്തിൽ മുസ്ലീം പെൺകുട്ടികൾ സുരക്ഷിതരാണെന്ന് പ്രധാനമന്ത്രി നരേന്ദ്ര മോദി. സംസ്ഥാനത്ത് ഇപ്പോൾ നിരവധി മുസ്‌ലിം പെൺകുട്ടികൾ സ്‌കൂളുകളിലേക്കും കോളജുകളിലേക്കും പോകുന്നുവെന്നും കാൺപൂരിൽ തെരഞ്ഞെടുപ്പ് റാലിയെ അഭിസംബോധന ചെയ്തുകൊണ്ട് പ്രധാനമന്ത്രി മോദി പറഞ്ഞു.

2017-ന് മുമ്പ് യുപിയിൽ എല്ലാ ദിവസവും റേഷൻ അഴിമതി നടന്നിരുന്നു. ലക്ഷക്കണക്കിന് വ്യാജ റേഷൻ കാർഡുകളാണ് ഉണ്ടാക്കിയത്. ഇരട്ട എഞ്ചിൻ സർക്കാർ ഈ വ്യാജ റേഷൻ കാർഡ് പദ്ധതി അവസാനിപ്പിച്ചു. ഇന്ന്, യുപിയിലെ കോടിക്കണക്കിന് പൊതുജനങ്ങൾക്ക് സൗജന്യ റേഷൻ ലഭിക്കുന്നു. എന്റെ പാവപ്പെട്ട സഹോദരിമാരുടെ അടുപ്പുകൾ അതിലൂടെ പുകയുന്നുവെന്നും മോദി അഭിപ്രായപ്പെട്ടു.

ഉത്തർപ്രദേശിൽ വോട്ടെടുപ്പ് പുരോഗമിക്കുന്നു നിലവിൽ സംസ്ഥാനത്ത് 40% പോളിംഗ് രേഖപ്പെടുത്തി

ഉത്തർപ്രദേശ് – 39.07%

അതത് ജില്ലകളിലെ എല്ലാ സീറ്റുകളിലെയും വോട്ടിംഗ് ശതമാനം ഉച്ചയ്ക്ക് 2 മണി വരെ

സഹരൻപൂർ – 42.44%
ബിജ്‌നോർ – 38.64%
മൊറാദാബാദ് – 42.28%
സംഭാൽ – 38.01 %
രാംപൂർ – 40.10%
അംരോഹ – 40.90%
ബദായൂൺ – 35.57%
ബറേലി – 39.41 %

ഗോവയിലെ ഹിന്ദു വോട്ടുകൾ ഭിന്നിപ്പിക്കാൻ തൃണമൂൽ കോൺഗ്രസ് ശ്രമിക്കുന്നുവെന്ന് പ്രധാനമന്ത്രി നരേന്ദ്ര മോദി ആരോപിച്ചു, ഇത് പാർട്ടി പരസ്യമായി ഉന്നയിച്ച അവകാശവാദമാണെന്ന് അദ്ദേഹം പറഞ്ഞു. തെരഞ്ഞെടുപ്പ് കമ്മീഷൻ ശ്രദ്ധിക്കണമെന്നും അദ്ദേഹം കൂട്ടിച്ചേർത്തു. ബി.ജെ.പി ഭരിക്കുന്ന ഗോവയിലെ 40 സീറ്റുകളിലേക്കാണ് ഇന്ന് തെരഞ്ഞെടുപ്പ് നടക്കുന്നത്, അവിടെ മമതാ ബാനർജിയുടെ നേതൃത്വത്തിലുള്ള പാർട്ടി അതിന്റെ കാൽപ്പാടുകൾ വിപുലീകരിക്കാൻ ശ്രമിക്കുന്നു. കാൺപൂരിൽ നടന്ന ഒരു റാലിയിൽ സംസാരിക്കവെ, അഖിലേഷ് യാദവിന്റെ സമാജ്‌വാദി പാർട്ടിയും ഉത്തർപ്രദേശ് രാവും പകലും കൊള്ളയടിക്കുകയാണെന്ന് ആരോപിച്ച് പ്രധാനമന്ത്രി മോദി ആഞ്ഞടിച്ചു. കൂടാതെ മനോഹർ പരീക്കറിന്റെ മകൻ ഉത്പൽ പരീക്കർ വോട്ട് രേഖപ്പെടുത്തി. പനാജിയിൽ സ്വതന്ത്ര സ്ഥാനാർത്ഥിയായിട്ടാണ് ഉത്പൽ മത്സരിക്കുന്നത്.

ഗോവയിലെ വോട്ടെടുപ്പ് പുരോഗമിക്കുന്നു നിലവിൽ സംസ്ഥാനത്ത് 44.63% പോളിംഗ് രേഖപ്പെടുത്തി

ഗോവ – 44.63%

വടക്കൻ ഗോവ – 44.14 %
ദക്ഷിണ ഗോവ – 45.05 %

ഉത്തരാഖണ്ഡിൽ വോട്ടെടുപ്പ് പുരോഗമിക്കുന്നു നിലവിൽ സംസ്ഥാനത്ത് 35% പോളിംഗ് രേഖപ്പെടുത്തി. ഉത്തരാഖണ്ഡ് മുഖ്യമന്ത്രി പുഷ്കർ ധാമി വോട്ട് രേഖപ്പെടുത്തി. ഉത്തരാഘണ്ഡിലെ എഎപി മുഖ്യമന്ത്രി സ്ഥാനാർത്ഥി അജയ് കോത്തിയാല്‍ വോട്ട് രേഖപ്പെടുത്തി. വോട്ടിനായി ബിജെപി നേതാക്കൾ പണവും മദ്യവും നൽകിയെന്ന് ആരോപിച്ച് ഉത്തരാഖണ്ഡ് കോൺഗ്രസ് തെരഞ്ഞെടുപ്പ് കമ്മീഷന് പരാതി നല്‍കി.

ഉത്തരാഖണ്ഡ് – 35.21 %

അൽമോറ – 30.37%
ഉത്തരകാശി – 40.12%
ഉധം സിംഗ് നഗർ – 37.17 %
ചമോലി – 33.82%
ചമ്പാവത്ത് – 34.66 %
തെഹ്‌രി-ഗർവാൾ – 32.59 %
ഡെറാഡൂൺ – 34.45 %
നൈനിറ്റാൾ – 37.41 %
പിത്തോരാഗഡ് – 29.68 %
പൗരി-ഗർവാൾ – 31.59%
ബാഗേശ്വർ – 32.55 %
രുദ്രപ്രയാഗ് – 34.82%
ഹരിദ്വാർ – 38.83 %
ഷാജഹാൻപൂർ – 35.47%

Story Highlights: -election-2022-voting-live-updates-