ഐഎസ്ആർഒ പിഎസ്എൽവി സി-52 വിക്ഷേപണം ഉടൻ

ഐഎസ്ആർഒയുടെ ഈ വർഷത്തെ ആദ്യ വിക്ഷേപണ ദൗത്യം ഇന്ന്. പിഎസ്എൽവി സി-52 വിന്റെ വിക്ഷേപണം ഇന്ന് പുലർച്ചെ 5.59 നാണ് നടക്കുക. ഭൗമനിരീക്ഷണ ഉപഗ്രഹം ഇഒഎസ്-04 ഭ്രമണപഥത്തിലെത്തിക്കുകയാണ് ദൗത്യം. ( pslv c 52 launch today )

ശ്രീഹരിക്കോട്ടയിലെ സതീഷ് ധവാൻ സ്‌പേസ് സെന്ററിൽ നിന്നാണ് വിക്ഷേപണം. ഇന്നലെ പുലർച്ചെ 4.29നാണ് കൗണ്ട്ഡൗൺ ആരംഭിച്ചത്. 1710 കിലോഗ്രാമാണ് ഇഒഎസ്-04 ന്റെ ഭാരം.

Read Also : എസ് സോമനാഥ് പുതിയ ഐഎസ്ആർഒ ചെയർമാൻ

ആധുനിക റഡാൽ ഇമേജിംഗ് ഉപഗ്രഹമാണ് സി-52. പ്രളയവുമായി ബന്ധപ്പെട്ട മാപ്പിംഗ്, കൃഷിക്ക് ആവശ്യമായ കാര്യങ്ങൾ എന്നിവയ്ക്ക് ഈ ദൗത്യം സഹായകരമാകും. ഇഒഎസിനൊപ്പം ഇൻസ്പയർസാറ്റ് എന്ന ചെറു ഉപഗ്രഹവും വിക്ഷേപിക്കും.

Story Highlights: pslv c 52 launch today