Advertisement

‘ഇന്നലെ കാണുമ്പോൾ ക്ഷീണമുണ്ടായിരുന്നു, പക്ഷേ തിരിച്ച് വരുമെന്ന് കരുതി’ : ടി.എൻ സീമ

April 10, 2022
2 minutes Read
tn seema about mc josephine
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

എം.സി ജോസഫൈന്റെ പെട്ടെനുള്ള വിയോഗത്തിന്റെ ഞെട്ടലിലാണ് കേരളവും സിപിഐഎമ്മും. ഇന്നലെ കാണുമ്പോൾ ക്ഷഈണം തോന്നിയിരുന്നുവെങ്കിലും പെട്ടെന്ന് തന്നെ തിരിച്ച് വരുമെന്നാണ് കരുതിയതെന്ന് ടി.എൻ സീമ ട്വന്റിഫോറിനോട് പറഞ്ഞു. കഴിഞ്ഞ ദിവസം ഉച്ച വരെ ടിഎൻ സീമയ്‌ക്കൊപ്പമായിരുന്നു എം.സി ജോസഫൈൻ. ( tn seema about mc josephine )

‘ഇന്നലെ കാണുമ്പോൾ ക്ഷീണമുണ്ടായിരുന്നു. വീട്ടിൽ വീണതിന്റെ ഒരു പ്രശ്‌നമുണ്ടായിരുന്നു. ആക്‌സിഡന്റ് പറ്റിയതുകൊണ്ട് നടക്കാനും ചെറിയ ബുദ്ധിമുട്ട് ഉണ്ടായിരുന്നു. അല്ലാതെ മറ്റ് ആരോഗ്യ പ്രശ്‌നങ്ങളോ, അസുഖങ്ങളോ ഉണ്ടായിരുന്നില്ല. ഇന്നലെ പാർട്ടി കോൺഗ്രസ് വേദിയിൽ കുഴഞ്ഞുവീണ് ആശുപത്രിയിൽ പ്രവേശിപ്പിച്ചുവെങ്കിലും തിരിച്ചുവരുമെന്നാണ് വിചാരിച്ചത്. ഈ സമ്മേളനത്തിലും അടുത്തത് എഴുതാൻ പോകുന്ന പുസ്തകത്തെ കുറിച്ചും മറ്റുമായിരുന്നു സംസാരിച്ചത്. സമ്മാളനത്തിലുടനീളം വളരെ ഊർജസ്വലയായാണ് കാണപ്പെട്ടത്’- ടി.എൻ സീമ പറഞ്ഞു.

Read Also : വനിതാ പ്രസ്ഥാനം കെട്ടിപ്പടുക്കുന്നതിൽ വലിയ പങ്ക് വഹിച്ച വ്യക്തി; ജോസഫൈന്റെ നിര്യാണം വലിയ നഷ്ടമെന്ന് പി ജയരാജൻ

ഇന്ന് ഉച്ചയോടെയാണ് സി.പി.ഐ.എം മുൻ കേന്ദ്ര കമ്മിറ്റിയംഗം എം.സി ജോസഫൈൻ അന്തരിച്ചത്. ഹൃദയാഘാതം മൂലം കണ്ണൂരിലെ എകെജി ആശുപത്രിയിലായിരുന്നു അന്ത്യം. ഇന്നലെ സി.പി.ഐ.എം പാർട്ടി കോൺഗ്രസിൽ പങ്കെടുക്കവേ ആരോഗ്യനില മോശമായതിനെ തുടർന്നാണ് ആശുപത്രിയിൽ പ്രവേശിപ്പിച്ചത്.

Story Highlights: tn seema about mc josephine

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement