ബുംമ്രയും സംഘവും പരാജയത്തിന്റെ വക്കിൽ; ഒരു ദിവസവും ഏഴ് വിക്കറ്റും ബാക്കി, ഇംഗ്ലണ്ടിന് വേണ്ടത് 119 റൺസ്

എഡ്ജ്ബാസ്റ്റൺ ടെസ്റ്റിൽ ഇംഗ്ലണ്ട് ശക്തമായ നിലയിൽ. നാലാം ദിനം കളി അവസാനിക്കുമ്പോൾ ഇംഗ്ലണ്ട് 3 വിക്കറ്റ് നഷ്ടത്തിൽ 259 റൺസെടുത്തു. ഇംഗ്ലീഷ് മണ്ണിൽ ടെസ്റ്റ് കിരീടം സ്വന്തമാക്കി ചരിത്രമെഴുതാനുള്ള ഇന്ത്യൻ സ്വപ്‌നങ്ങൾക്കു മുന്നിൽ വിലങ്ങുതടിയായി ജോ റൂട്ട്-ജോണി ബെയർസ്‌റ്റോ കൂട്ടുകെട്ട്. ഒരു ദിവസം ബാക്കി നിൽക്കേ 7 വിക്കറ്റ് കൈശമുള്ള ഇംഗ്ലണ്ടിന് വേണ്ടത് വെറും 119റൺസ് കൂടി മതി. (india vs england live updates test day 4)

ജോ റൂട്ട്(76), ജോണി ബെയർസ്റ്റോ(72) എന്നിവരാണ് ക്രീസിൽ. 109 ന് മൂന്ന് എന്ന നിലയിൽ പതറിയ ഇം​ഗ്ലണ്ടിനെ ഇരുവരും ചേർന്ന പിരിയാത്ത 150 റൺസ് കൂട്ടുകെട്ടാണ് രക്ഷിച്ചത്. അഞ്ചാം ദിനം മഴ പെയ്യുകയോ ഇന്ത്യൻ താരങ്ങൾ അത്ഭുതം കാണിക്കുകയോ ചെയ്തില്ലെങ്കിൽ പരമ്പര സമനിലയിലാകും. നിലവിൽ പരമ്പരയിൽ ഇന്ത്യ 2-1 ന് മുന്നിലാണ്.

രണ്ടാം ഇന്നിംഗ്സ് ലീഡായ ഇന്ത്യ ഉയർത്തിയ 377 റൺസ് പിന്തുടർന്ന ഇം​ഗ്ലണ്ടിനായി ഓപ്പണർമാരായ സാക്ക് ക്രൗളിയും(46), അലക്സ് ലീസും(56) ചേർന്ന് മികച്ച തുടക്കമാണ് നൽകിയത്. അലക്സ് ലീസിനെയും പിന്നാലെ വന്ന ഒലി പോപ്പിനെയും ക്യാപ്റ്റൻ ബുംമ്ര മടക്കി.പിന്നാലെ സാക്ക് ക്രൗളി റണൗട്ടാകുകയും ചെയ്തു. ഇതോടെ 107-1 എന്ന നിലയിൽ നിന്ന് ഇം​ഗ്ലണ്ട് 109 ന് മൂന്ന് എന്ന നിലയിലായി. ഇതോടെ ഇന്ത്യ വിജയ പ്രതീക്ഷയിലായെങ്കിലും റൂട്ടും ബെയർസ്റ്റോയും ഇം​ഗ്ലണ്ടിനെ കരകയറ്റി. സ്കോർ: ഇന്ത്യ. 416, 245. ഇം​ഗ്ലണ്ട്. 284, 259-3.

Story Highlights: india vs england live updates test day 4