കെ.എസ്.ആർ.ടി.സി ശമ്പള വിതരണം ഭാഗികമായി ആരംഭിച്ചു

കെ.എസ്.ആർ.ടി.സിയിലെ ശമ്പള വിതരണം ഭാഗികമായി ആരംഭിച്ചു. ഡ്രൈവർമാർക്കും,കണ്ടക്ടർമാർക്കും ശമ്പളമെത്തിയത്. ജൂൺ മാസത്തെ ശമ്പളമാണ് വിതരണം ചെയ്യുന്നത്. ബാങ്കിൽ നിന്ന് ഓവർഡ്രാഫ്റ്റ് എടുത്താണ് ഇത്തവണയും ജീവനക്കാർക്ക് ശമ്പളം നൽകുന്നത്.

കരാ‍ർ ജീവനക്കാർക്കും ശമ്പളം കിട്ടിത്തുടങ്ങിയിരുന്നു. ഇതിനുവേണ്ടി ഒരു കോടി രൂപയും കെ.എസ്.ആർ.ടി.സി കൈയ്യിൽ നിന്നും എടുത്തു. സർക്കാരിൽ നിന്ന് 30 കോടി രൂപ സഹായം ലഭിച്ചതിന് പിന്നാലെയാണ് ശമ്പളം വിതരണം ആരംഭിച്ചത്.

കെ.എസ്.ആർ.ടി.സി ശമ്പള വിതരണത്തിൽ ധനവകുപ്പിനോട് സഹായം തേടിയെന്ന് ഗതാഗതമന്ത്രി ആന്റണി രാജു നേരത്തെ പറഞ്ഞിരുന്നു. ധനസഹായം കിട്ടുന്ന മുറയ്ക്ക് വിതരണം ചെയ്യുമെന്ന് മന്ത്രി അറിയിച്ചു. നഷ്ടമില്ലാത്ത റൂട്ടുകളിൽ നിർത്തിവച്ച സർവീസ് ഘട്ടങ്ങളായി പുനരാരംഭിക്കും. തീരെ നഷ്ടമുള്ളവ ഓടിക്കാൻ നിലവിലെ സാഹചര്യത്തിൽ കഴിയില്ല എന്നും മന്ത്രി നിയമസഭയിൽ വ്യക്തമാക്കിയിരുന്നു.

Read Also: കെ.എസ്.ആർ.ടി.സി പെൻഷൻ വിതരണം പ്രതിസന്ധിയിൽ; ജൂലൈ മാസത്തെ പെൻഷൻ ഇനിയും ആരംഭിച്ചില്ല

Story Highlights: Salary distribution begins in KSRTC