മദ്യപിച്ച് ബഹളംവെച്ചത് ചോദ്യംചെയ്ത ഓട്ടോഡ്രൈവറെ കോടാലി കൊണ്ട് വെട്ടി; അയൽവാസി അറസ്റ്റിൽ

മദ്യപിച്ച് ബഹളംവെച്ചത് ചോദ്യംചെയ്ത ഓട്ടോറിക്ഷാ ഡ്രൈവറെ കോടാലി ഉപയോ​ഗിച്ച് വെട്ടിപ്പരിക്കേൽപ്പിച്ചയാൾ പൊലീസിന്റെ പിടിയിലായി. എറണാകുളം തൃപ്പൂണിത്തുറയിലാണ് സംഭവം. കൊച്ചുപള്ളി ഗണപതിപ്പറമ്പിൽ മോഹനനാണ് (57) അറസ്റ്റിലായത്. ഇയാൾക്കെതിരെ ഉദയംപേരൂർ പൊലീസ് വധശ്രമത്തിന് കേസെടുത്തു.

Read Also: രാത്രികാലങ്ങളില്‍ യാത്ര ചെയ്യുന്നവരെ ആക്രമിച്ച് കവര്‍ച്ച; ഹൈവേ കേന്ദ്രീകരിച്ചു മോഷണം നടത്തുന്ന 13 അംഗ സംഘം പിടിയില്‍

ഉദയംപേരൂർ കൊച്ചുപള്ളി ഗണപതിപ്പറമ്പിൽ സുരേഷ് (47) ആണ് തലയ്ക്ക് വെട്ടേറ്റ് തൃപ്പൂണിത്തുറ താലൂക്കാശുപത്രിയിൽ ചികിത്സയിലുള്ളത്. മോഹനനും സുരേഷും അയൽവാസികളാണ്. മോഹനൻ മരംവെട്ടുകാരനാണ്. ശനിയാഴ്ച ഉച്ചയ്ക്ക് 2 മണിയോടെ കൊച്ചുപള്ളി ഓട്ടോ സ്റ്റാൻഡിൽ വച്ചാണ് പ്രതി സുരേഷിനെ ആക്രമിച്ച് പരിക്കേൽപ്പിച്ചത്.

Story Highlights: Autodriver assaulted; neighbor was arrested