വാഹന പരിശോധനയ്ക്കിടെ ബ്രൗൺഷുഗറുമായി യുവാവ് പിടിയിൽ
നിരവധി കേസുകളിലെ പ്രതിയെ ബ്രൗൺഷുഗറുമായി പൊലീസ് അറസ്റ്റ് ചെയ്തു. കാസർഗോഡാണ് സംഭവം. മേൽപ്പറമ്പ് ഇൻസ്പെക്ടർ ടി. ഉത്തംദാസിന്റെ നേതൃത്വത്തിലുള്ള പൊലീസ് സംഘമാണ് മാങ്ങാട്ടെ സി.എച്ച് റഫീഖിനെ(42) അറസ്റ്റ് ചെയ്തത്. ( Young man arrested with brown sugar )
മാങ്ങാട്ട് വച്ച് വാഹന പരിശോധന നടത്തുന്നതിനിടെയാണ് 0.143 ഗ്രാം ബ്രൗൺഷുഗറുമായി റഫീഖ് പിടിയിലായത്. എസ്.ഐ ശരത് സോമൻ, സിവിൽ പൊലീസ് ഓഫീസർമാരായ ഹിതേഷ്, സുഭാഷ്, സക്കറിയ എന്നിവരുൾപ്പെട്ട സംഘമാണ് പ്രതിയെ പിടികൂടിയത്.
കഞ്ചാവുമായി പിടിയിലായതിന് റഫീഖിനെതിരെ ആദൂർ പൊലീസ് സ്റ്റേഷനിലും കേസുകളുണ്ട്. കുമ്പള പൊലീസ് രജിസ്റ്റർ ചെയ്ത കേസിൽ റഫീഖ് വാറണ്ട് പ്രതിയുമാണ്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Story Highlights: Young man arrested with brown sugar
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here